?

Log in

No account? Create an account

Previous Entry | Next Entry

Вёска Ходараўка, Докшыцкага раёна, вядома ў гісторыі з 1690 года, як уладанне Уладзіслава Бжастоўскага і адносілася да маёнтка Сітцы, які знаходзіцца зусім побач. Гісторыкі не ведаюць калі дакладна землі перайшлі ад Бжастоўскіх да іншых уладароў. Але ў пачатку XІХ ст маёнтак Сітцы ўжо знаходзіцца ва ўласнасці Стэфана Дамейка, а Ходараўка стала належыць Славінскім.
Сядзібнага дома Славінскіх у вёсцы не захавалася, ад былых уладароў засталася толькі алея высаджаная ў канцы ХІХ ст. вакол сядзібы. Месца былой сядзібы сёння вельмі лёгка знайсці, бо знаходзіцца яна адразу за сіласнымі вежамі ля дарогі. (каб ведала калі вандравала, абавязкова зрабіла б фота).

Але на жаль, не сядзібай ці прыгожым паркам увайшла вёска на турыстычную мапу Беларусі.

Недалёка ад былой сядзібы, ў бярозавым гае знаходзіцца месца расстрэлу. 27-29 чэрвеня 1944 года тут былі расстрэляны 200 ваеннапалонных італьянцаў і 600 вязняў канцлагера "Лібараўшчына".


Італьянцам абвясцілі, што салдат, нарэшце, адпраўляюць да хаты на самалёце, які будзе чакаць у вёсцы Сітцы. Пад канвоем, 200 чалавек вывелі са станцыі Параф'янава, дзе яны працавалі на будаўніцтве ваенных аб'ектаў і адправілі да месца расстрэлу.


Вязням канцлагера нічога не патлумачылі, іх проста сагналі ў машыны і вывезлі ў Ходараўку.


Расстрэльнай камандай у Ходараўцы былі карнікі з Зондэркаманды-9 СД, у якую ўваходзілі не толькі немцы, але і рускія. У 1977-78 гадах адбыліся судовыя працэсы над тымі, хто ўдзельнічаў у гэтых растрэлах.

Пасля вайны на месцы дзе расстралялі 800 чалавек быў пасаджаны гай, а ў 1969 годзе пастаўлены абеліск.


Мемарыяльны ж комплекс з'явіўся ў Ходараўцы ў 1992 годзе пры падтрымцы італьянскага ўраду. 27 кастрычніка адбылося яго адкрыццё.


Штогод, 7 лістапада, ля помніка праходзіць імша ў памяць расстраляным ля Ходараўцы, з большага на ёй прысутнічаюць жыхары мясцовых вёсак і школьнікі.

Comments

( 5 comments — Leave a comment )
livejournal
Nov. 22nd, 2016 07:27 pm (UTC)
Дзень добры! Ваш запіс трапіў у топ-25 папулярных запісаў LiveJournal Беларусі! Больш падрабязна пра рэйтынг чытайце ў Даведцы.
incopolis
Nov. 23rd, 2016 02:44 pm (UTC)
Там же еще где-то рядом Азарки.
azarkinm
Nov. 23rd, 2016 05:53 pm (UTC)
А што там? Бо зараз пашукала ў інтэрнэце, і не зразумела, што вы маеце на ўвазе і якія менавіта Азаркі.
incopolis
Nov. 23rd, 2016 06:03 pm (UTC)
Эээ чорт, маленько напутал.
Не Азарки, а Азарцы. И чуток в другой стороне, у трассы Докшицы - Парафьяново:
http://www.pomnite-nas.ru/mshow.php?s_OID=13625

P.S. У Яндекса космоснимки намного лучше, чем у Гугла.
azarkinm
Nov. 23rd, 2016 06:08 pm (UTC)
Ну калі будзем ехаць у тым накірунку, то звярну ўвагу на помнік. Мне падабецца мы яго праскоквалі.

А пра космаздымкі дзякуй, параўнаю.
( 5 comments — Leave a comment )

Profile

leta i ja
azarkinm
AzarkinM

Latest Month

June 2017
S M T W T F S
    123
45678910
11121314151617
18192021222324
252627282930 

Tags

Powered by LiveJournal.com