AzarkinM (azarkinm) wrote,
AzarkinM
azarkinm

ГАРАДЗІШЧА (Брэсцкая вобласць)

Мястэчка Гарадзішча, Баранавіцкага раёна, упершыню узгадваецца ў пісьмовых крыніцах з 1413 года, калі было далучана да Вялікага княжства Літоўскага. Ян Кезгайлавіч, князь Сямён Бельскі, Хадкевічы, шляхціч Мікола Бейнаровіч, Няміравічы, Керлы, Пацы, Каменскія, Зяновічы, Бухавецкія, гэта толькі тыя чые імёны я здолела знайсці ў спісе ўладароў гэтага мястэчка.


Для большасці з уладароў, гэта мястэчка давала магчымасць выстаўляць большую колькасць войска на баявыя дзеянні ВКЛ. І толькі некаторыя клапаціліся пра стан самога мястэчка. У 1494 Некраш Валадковіч будуе тут драўляны касцёл.


Каменскія ў 1640 годзе на месцы старога драўлянага касцёла падымаюць муры цаглянага касцёла Найсвяцейшай Паны Марыі.


Пры Зяновічах Гарадзішча атрымала дазвол на правядзенне двух кірмашоў у год (для таго часу гэта даволі значная падзея). Пры Пацах былі пабуданавы сінагога і драўляная ўніяцкая царква. Таксама Пацы будуюць палацава-паркавы комплекс, які да нашых дзён не захаваўся.


Пасля паўстання 1831 года мястэчка канфіскавана ў Пацаў і перададзена ў дзяржаўную скарбонку. Але праз 2 гады, ужо знаходзіцца ва ўладанне Бухавецкіх. Чарговае пастанне на нашай зямлі і ў 1866 годзе касцёл Найсвяцейшай Панны Марыі ператвораны ў праваслаўную царкву з мінімальнай перабудовай, хаця былі прапановы па перабудове каардынальнай, але яны не былі зацверджаны. Таму можна лічыць, што касцёлу пашансціла, і яго ўпрыгожыла цыбуліна і прыбудавана званніца. Праваслаўныя не доўга валодалі храмам, бо ў 1919 годзе пасля перадачы земляў Польшчы ён быў вернуты католікам. У пасляваенныя савецкія часы яго муры выкарыстоўваўліся як мэблевы склад.

Побач з касцёлам знаходзіцца яшчэ адзін стары будынак, на якім дарэчы аўтэнтычная чарапіца.


Калі выяджаць з Гарадзішча на поўнач у накірунак на возера Свіцязь (куды ляжаў наш шлях) вы абавязкова па дарозе сустрэнеце спачатку гарадзішча, якое датуецца ў розных крыніцах і ІІ і ХІ стагоддзямі, а пасля не абмініце яшчэ адзін вялізарны холм на якім знаходзяцца старыя нямецкія могілкі Першай сусветнай вайны.






Калі мы пабачылі могілкі, то надвор'е перастала нам спрыяць, і агляд тэрыторыі адбываўся пад моцнай залёвай, выратоўваючы тэхніку і прагнучы фотак у мяне ўсё ж такі атрымалася зрабіць пару.






Tags: Баранавіцкі раён, Бейнаровіч, Бельскі, Брэсцкая вобласць, Бухавецкі, Валадковіч, Вандроўкі, Вандроўкі Беларусь, Зяновіч, Каменскі, Керл, Няміравіч, Пац, Хадкевіч
Subscribe

  • Як шмат сяброў вярнулася...

    Даўно не была тут, а як пагляжу дык зусім даўно і не пісала ў ЖЖ. А тут зайшла, і пабачыла, што столькі сяброў вярнулася зноўку пісаць. Падчысціла…

  • ДРЭВА ПРОДКАЎ

    Ці цікавіцеся вы сваімі прашчурамі? Збіраеце звесткі пра тое кім былі вашыя прадзядулі, стрыечныя браты бацькоў і вашыя? Ці ведаеце вы на якой…

  • Бэзавае воблака водару ў Батанічным садзе Мінска

    Калі вам падабаецца водар бэзу, то раю паспець у гэтыя выходныя атрымаць асалоду ад шпацыру па Батанічнаму саду Мінска. Знайсці разнакаляровы…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 7 comments