AzarkinM (azarkinm) wrote,
AzarkinM
azarkinm

МУЗЕЙ ДАРОГІ (Мінск)

Ці ведаеце вы, што ў Мінску ёсць цудоўны музей пад адкрытым небам прысвечаны дарозе? Не? Тады вам сюды! Кальварыйская, 37, уваход з боку вуліцы М.Гусоўскага, праз шлагбаўм і вы на месцы.


Пачаў музей стварацца ў 2002 годзе, але адчынены быў у 21 студзеня 2004 года.


Ён уключае ў сябе дзве часткі – у памяшканні, з выстаўкай і экспанатамі, і музей пад адкрытым небам. Вось менавіта пра другі я і буду распавядаць.


Нас сустрэў імітаваны “Рагвалодаў камень”, але і за яго дзякуй стваральнікам музея, дзеці ўвачавідку пабачылі які ён быў і былі ўражаны, што такі гістарычны помнік проста ўзарвалі падчас пабудовы шашы Мінск-Ворша.




Прыклад капліцы, якія ў беларускіх мястэчках ставілі на выяздзе з вёскі і кожны чытаў малітву выпраўляючыся ў адказны шлях (цікава, што малітва прыведзена ніжэй).




Тут можна пабачыць верставыя слупы разных часоў.





Гэты напрыклад ХVII ст.

Кіламятровыя ўказальнікі

30-я гады ХХ ст.


Куды ж без указальнікаў нашых часоў.

Можна пабачыць як выглядала дарожнае пакрыццё ад брукаванкі да звычайнай пліткі ўвачавідку.


Размешчаны і міні-мост які раней будавалі на дарогах.




Карысна і тое, што побач знаходзіцца аўташкола, і на тэрыторыі стаяць бар’еры для дыяганальнай паркоўкі і для гаражыка,


нанесена разнастайная разметка


і стаяць прыдарожныя шыльды.


Таму дзецям быў праведзены маленькі лікбез.


На тэрыторыі музея стаіць прыдарожная тэхніка і прыстасаванні, але дзеці ўспрынялі яго як антураж музея. І з задавальненнем зазірнулі туды. Дзе ж гэта можна зрабіць, на вуліцы неяк ен зручна, а тут… можна.






Ёсць і слуп, на якім размешчаны ўсе галоўныя гістарычныя падзеі звязаныя з дарогай.


Прыемна, што стваральнікі музея аднесліся да працы добра і выкарысталі не толькі факты звязаныя з гісторыяй Беларусі ў складзе Расійскай імперыі (бо шмат хто не клапоціцца аб гэтым, што знойдуць у Нэце тое і выкарыстоўваюць), але і факты з Вялікага княжства Літоўскага, і Полацкага княжства.





Абыходзячы слуп па колу, мае хлопцы прачыталі ўсе факты з беларускай гісторыі.

Тут не абыйшлося зноўку без узгадкі Прэзідэнта ўсіх часоў.


Будзе настрой, цудоўнае надвор’е і пакуль зіма не зацярушыла музей, схадзіці і паглядзіце. Асабліва калі ў вас ёсць дзеці.

Телефон музея: (8-017) 259-86-06 (калі пажадаеце паспрабаваць наведаць невулічную частку экспазіцыі)

І калі вы так і не зразумел, дзе ж гэта музей знаходзіцца, то тады вось вам арыенціроўка :-).

(будынак на Кальварыйскай)
Tags: Вандроўкі, Вандроўкі Беларусь, Мінск, музей
Subscribe

  • Як шмат сяброў вярнулася...

    Даўно не была тут, а як пагляжу дык зусім даўно і не пісала ў ЖЖ. А тут зайшла, і пабачыла, што столькі сяброў вярнулася зноўку пісаць. Падчысціла…

  • ДРЭВА ПРОДКАЎ

    Ці цікавіцеся вы сваімі прашчурамі? Збіраеце звесткі пра тое кім былі вашыя прадзядулі, стрыечныя браты бацькоў і вашыя? Ці ведаеце вы на якой…

  • Бэзавае воблака водару ў Батанічным садзе Мінска

    Калі вам падабаецца водар бэзу, то раю паспець у гэтыя выходныя атрымаць асалоду ад шпацыру па Батанічнаму саду Мінска. Знайсці разнакаляровы…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 42 comments

  • Як шмат сяброў вярнулася...

    Даўно не была тут, а як пагляжу дык зусім даўно і не пісала ў ЖЖ. А тут зайшла, і пабачыла, што столькі сяброў вярнулася зноўку пісаць. Падчысціла…

  • ДРЭВА ПРОДКАЎ

    Ці цікавіцеся вы сваімі прашчурамі? Збіраеце звесткі пра тое кім былі вашыя прадзядулі, стрыечныя браты бацькоў і вашыя? Ці ведаеце вы на якой…

  • Бэзавае воблака водару ў Батанічным садзе Мінска

    Калі вам падабаецца водар бэзу, то раю паспець у гэтыя выходныя атрымаць асалоду ад шпацыру па Батанічнаму саду Мінска. Знайсці разнакаляровы…