AzarkinM (azarkinm) wrote,
AzarkinM
azarkinm

Навагоднія клопаты

Зіма… Новы год… Падарункі… Віншаванні… Кожны год, як толькі праб’е гадзіннік, што нарэшце ён 201...год надыйшоў - тэлефаную блізкім сябрам, сваякам і віншую з ім, з тым што чакаеш, на што спадзяешся, і заўсёды думаеш што будзе лепей чым мінулыя гады. 

З дзяцінства засталіся ўспаміны Новага года, яны розныя - розныя падарункі, розныя сустрэчы, розныя чаканні, але заўсёды заставалася нязменным адна рэч -  гэта паштоўкі. Паштоўкі, якія прыходзяць па пошце. Якія падпісвала мама, якія б'юць у нос свежай фарбай, калі іх прынасілі да хаты. Іх можна было разглядаць гадзінамі і самае галоўнае іх заўсёды было шмат. Іх было столькі, колькі памяталі сваякоў ды сяброў, іх было роўна столькі колькім людзям мы хацелі нагадаць, што мы іх памятаем. І не важна калі, на Новы год, 8 сакавіка, 23 лютага... але мы памятаем, бо віншуем. Як я гэты момант люблю… Калі адчыняеш скрынку паштовую, а там ляжыць новая, заштампаваная паштоўка… І яны ўсе розныя, не падобныя адзін на адну. У бабулі на сцяне ў вітальні вісяць дзве рамкі з вышыванкамі і заўсёды новая паштоўка ўтыркалася за гэтую рамку. А калі месца ўжо не хапала, то прыбіраліся пакрыху, а іх месца з часам займалі новыя. Я настойвала каб самыя цікавыя ўсё роўна заставаліся, і гэты адбор рабіў дзіцёнак і сваім розумам адбіраў, што прыгожае а што не.

Я навыбаю кожны год паштоўкі, і ўсе яны розныя, але абавязковым застаецца толькі адное - паштоўка павінна быць беларуская і такая каб можна было не ўпакоўваць у капэрту.Я ў захапленні ад моманту калі ты сядзіш дома на канапе перад стосам паштовак і думаеш, каму якую падпісаць - адныя са свечкамі, іншыя з шарамі, з елкамі, яшчэ адныя з дзіцячымі малюнкамі, снегавікамі ды Дзедамі Марозамі. Ты думаеш, каму ты хочаш зрабіць такі маленькі падарунак. Прыдумляеш віншаванні, каб кожнаму адрознівалася, кожнаму жадаеш нешта сваё, а пасля да ламаты ў пальцах падпісваеш гэты бесконцы шлейф паштовак… Час ідзе, змяняюцца людзі і змяняецца і свет. Зараз лягчэй набраць нумар тэлефона, ці смс, ці напісаць праз аднакашнікі, фэйсбук, ці проста адправіць емэйл. А паштоўкі нібыта пайшлі ў мінулае. Былі часы, калі іх нават у крамах прадавалася вельмі мала, людзі перасталі дзяліцца маленькімі праменьчыкамі надзей і радасці, якія мы звязваем з Новым годам. А я супраць гэтай тэндэнцыі!

І кожны год мая душа пратэстуе, што гэта традыцыя знікае, і кожны год я іду ў краму і набываю паштоўкі, а пасля сядзім з дзецьмі і выбіраем, дакладней яны выбіраюць каму якую, а я падпісваю. І няхай я атрымаю ў адказ толькі адну ці дзве паштоўкі, а можа ўвогуле не атрымаю, але… цікава рабіць падарункі... нават калі гэта простая маленькая паштоўка. І дзесьці ў глыбіні душы, я спадзяюся, што калі чалавек атрымлівае паштоўку, то пачне адсылаць іх і сам, не абавязкова мне, а іншым сваім сябрам, знаёмым, сваякам. І будзе нам усім маленькая радасць у паштовай скрыне.

Я свае паштоўкі ўжо набыла. А вы? Не? Тады не позна падумаць аб прыемных віншаваннях і зрабіць маленькія радасці сваім блізкім. :-)
















































Толькі ад нас залежыць, якія ўспасіны свята будуць у нашых дзяцей, пляменнікаў, хроснікаў. :-)
Tags: Новы год
Subscribe

  • Бурбалкі шампанскага

    З НОВЫМ ГОДАМ, сябры, таварышы, паплечнікі і ўсе тыя, каго я не ведаю, але хто сочыць за нашымі вандроўкамі і чытае мае расповяды. Усе тыя з кім мы…

  • З Калядамі!

    Дарагія сябры віншую ўсіх!

  • Снега няма і не будзе!

    Не паспеў снег выпасці і растаяў. Вой як дзеці будуць галасіць, што снегу няма, мабыць з такой жа громкасьцю як радаваліся, што ён зранку яшчэ быў.…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 12 comments

  • Бурбалкі шампанскага

    З НОВЫМ ГОДАМ, сябры, таварышы, паплечнікі і ўсе тыя, каго я не ведаю, але хто сочыць за нашымі вандроўкамі і чытае мае расповяды. Усе тыя з кім мы…

  • З Калядамі!

    Дарагія сябры віншую ўсіх!

  • Снега няма і не будзе!

    Не паспеў снег выпасці і растаяў. Вой як дзеці будуць галасіць, што снегу няма, мабыць з такой жа громкасьцю як радаваліся, што ён зранку яшчэ быў.…