?

Log in

No account? Create an account

Previous Entry | Next Entry

А дакладней аднадзённая вандроўка ў пошуках ДОТаў Мінскага укрэпраёна з элементамі гістарычнай спадчыны. :-)
Населеныя пункты на нашым шляху.
Заслаўе -- Шубнікі -- Крылава -- Вішнёўка -- Скірмунтава -- Вялікія Навасёлкі



А вось і сам маршрут на мапе.


У адзін з летніх дзён мае мужчыны адправіліся на пошук ваеннай спадчыны, а дакладней ДОТаў якія здаецца і ёсць, але афіцыйна пра іх нічога не знойдзеш. Толькі апантаныя гэтымі пошукамі выстаўляюць інфармацыю пра знойдзеныя аб'екты.

ЗАСЛАЎЕ

Першы ДОТ, які быў запланаваны ў нашым спісе - трохкулямётны амбразурны ДОТ №115, які знаходзіцца на тэрыторыі Заслаўя.


Калі вы едзіце на машыне ў бок Маладзечна, то перад Заслаўем будзе запраўка, паварочваем. У прынцыпе ДОТ знаходзіцца адносна недалёка, але для пачатку трэба заехаць у цэнтр горада і набыць у касе музея квіткі. Каса і музей знаходзяцца ў розных месцах.


Побач з Музеем ДОТа знаходзіцца Музей міфалогіі леса, таму калі набываеце квіткі ў дот, набудзьце і ў гэты музей, ён хоць і малы, але цікавы, асабліва для дзяцей.


Тут можна пабачыць выставу выцінанак ну і сам музей, дзе размешчаны ўсе таемныя істоты, якія насяляюць беларускія лясы.


ДОТ адрамантаваны, і ўпрынцыпе нічым не адрозніваецца ад ДОТаў, якія можна пабачыць на Лініі Сталіна. Прынцып адзін і той жа.






Так як вам усёроўна рушыць праз цэнтр Заслаўя далей на пошукі ДОТаў, можыце спыніцца на плошчы і наведаць Касцёл Найсвяцейшай Панны Марыі.


Царкву Прэабражэння Гасподня, дарэчы яна ХІІ стагоддзя.




Далей пераяджаем праз чыгунку. Калі вы на машыне, то можна пад'ехаць яшчэ да помніка Рагнедзе і Ізяславу, які знаходзіцца на вуліцы Савецкай і быў пастаўлены ў сярэдзіне 1990-х гадоў.


Кулямётны ДОТ №116 вы можыце проста незаўважыць, хаця і знаходзіцца ён каля дарогі.


Уваход зачынены тоўстым лістом жалеза і засыпаны зямлёй. Зайсьці не магчыма.


Арыенцір... рэкламны шчыт каля дарогі.


Як бачыце, на нашым шляху знаходзіцца яшчэ адно гістарычнае месца куды варта падыйсці, калі раней вы тут не былі. Гэта ЗАМЭЧАК.


Існуе шмат паданняў што гэта.
1) Месца дзе размяшчаўся манастыр Рагнеды, пасля таго як Уладзімір выгнаў яе з Ізяславам.
2) Тут пахавана сама Рагнеда.
3) Тут быў аснаваны гістарычнае Заслаўе.
4) А надпіс на крыжы паведамляе, што ён усталяваны з нагоды 2000-годдзя хрышчэння Кіеўскай Русі.


Далей за Замэчак ляжыць наш шляд да артылерыскага полукапаніра №033.


Вось ён та якраз і ўражвае. Першы вялікі ДОТ на нашым шляху.


Трэба дадаць для тых хто не ведае... Мінскі укрэпраён будаваўся савецкімі вайскамі дзеля абароны мяжы. А на тэрыторыі Беларусі можна знайсці нямецкія, польскія і савецкія доты.


Рушым далей.

ШУБНІКІ



Па ідэе, тут павінна месціцца тры ДОТа. Мы знайшлі толькі адзін.




ДОТ знаходзіцца на з'ездзе з вёску да ракі. І поўнасцю затоплены вадой.


Аднаамбразурны дот №3 Мінскага ўкрэпраёна.


КРЫЛОВА

Кулямётны ДОТ №97 на тры кропкі.


Асцярожна. Не прапусціце! Мы спачатку яго праехалі, пабачылі ў полі, і затым шукалі заезд на гэта поле. Летам вакол такіх дотаў не садзяць бульбу... садзяць заўсёды расліну, што вышэй, каб дакладна іх было не бачна і цяжка знайсці.


Гэта мінус для тых хто шукае ДОТы. Але з'яўляецца і плюсам, такія ДОТы заўсёды чыстыя.


У Крылова захаваліся нават сядзелкі для кулямётчыкаў.


Якія Ян з задавальненнем выпрабаваў на трываласць :-)


Вакол ДОТа была пасаджана кукуруза. Як вы лічыце ці будзе бачны ДОТ летам? :-)






ВІШНЁЎКА


Бачыце на мапе пытальнік? Дык вось, там стаіць шыльда, прыватная тэрыторыя. Уваход забаронены. А па нашым дадзеным там знаходзіцца адзін ДОТ дакладна :-(

Каб падсалодзіць пілюлю таго, што да возера не прайсьці на нашым шляху паўстаў прыгажунь у полі.


Кулямётны ДОТ №90 на тры амбразуры.


Знаходзіцца ў полі. Унутры чыста.








СКІРМАНТАВА

А гэта адпачынак ад ДОТаў. На шляху ў нас самая высокая кропка Беларусі. Грэх не заехаць.


Вам трэба ўсяго збочыць направа. Арыенцір ферма і вось тая тлушчая кропачка на маёй мапе. А сама гара выглядае на фатаздымку як кропачка абнесеная агароджай. :-)

Я ўжо пісала пра яе ў ЖЖ http://azarkinm.livejournal.com/104833.html#cutid1

ВЯЛІКІЯ НАВАСЁЛКІ

З гістарычных помнікаў тут можна знайсці сядзібу Кастравіцкіх, на сённяшні дзень тут лякарня, якую яшчэ і сайдзінгам абшылі.


Каля дарогі месціцца старая стайня.


І крыху далей магіла пісьменніка Каруся Каганца (унука тых самых Кастравіцкіх, якія валодалі сядзібай).


Аб ўсіх гэтых помніках, пра сумны лёс Кастравіцкіх і як яны звязаныя з французскім пісьменнікам Гіёмама Апалінэрам можна прачытаць таксама ў маім мінулым артыкуле http://azarkinm.livejournal.com/104833.html#cutid1

А я зараз распавяду крыху пра тры ДОТы, якія можна сустрэць у вёсцы.

Кулямётны ДОТ №30 можна пабачыць па дарозе з Скірмантава ў Навасёлкі.


Нехта прызвычаіў яго для сваіх патрэб, а дакладней пад бульбасховішча.


Нам тут няма чаго рабіць, толькі адзначыць, што бачылі.


Кулямётны ДОТ №267


Знаходзіцца крыху далей за магілу Каруся Каганца.




Характэрнай асаблівасцю ДОТаў, якія знаходзяцца паблізку ад населеных пунктаў з'яўляецца шмат вакол бітых і не бітых бутэлек.




Карацей злачнае месца :-)


Трэцці ДОТ знаходзіцца ўжо на выедзе з вёскі і сапраўды можа лічыцца перлінай нашай вандроўкі.


Артылерыйскі полукапанір №041




Трохпавярховы ДОТ нават зараз выглядае масіўна і ўражвае сваімі габарытамі.




Унутры ўсё чыста. Мы не знайшлі ніводнай бутэлькі.


Хаця можа таму, што шмат смецця валяецца на другім паверсе, які затоплен.


Няўдалая спроба сфатаграфаваць ніжні паверх, амаль вісела ўніз галавой.




Але мужчынская палова не губляла надзеі знайсці ўваход на ніжні паверх.




Але і яна скончылася правалам. Паверх затоплен.




А зараз вы толькі ўявіце сабе, як такія будынкі ўзводзілі перад вайной. А пасля яшчэ і трымалі абарону.


Пасля такога ДОТа мае мужчыны крыху супакоіліся наконт таго, што некаторыя збудаванні былі не знойдзены падчас вандроўкі.


І так... падводзім вынік. За вандроўку па Мінскаму ўкрэпраёну мы пабачылі 9 ДОТаў.


Раней я распавядала ўжо пра 5 дотаў, якія можна сустрэць уздоўж трасы М1 (http://azarkinm.livejournal.com/103389.html)

Такім чынам на маім рахунку ўжо 14 ДОТаў апісаных у ЖЖ.

З 43 пабачаных за 2013 год. :-)

Comments

( 22 comments — Leave a comment )
kabierac
Feb. 12th, 2013 03:50 pm (UTC)
Цудоўныя вынікі) З усіх апісаных Вамі тут ДОТаў я толькі на № 3 і быў. Там яшчэ далей у лесе паўкапанір і камандна-назіральны пункт, дужа атмасферныя мясціны.
azarkinm
Feb. 12th, 2013 04:01 pm (UTC)
Мне чамусьці сваімі мясцінамі гэты ДОТ якраз такі вельмі спадабаўся. А наконт месцаў... вы дарма сказалі... ЖЖ праглядае муж, адчуваю, што як зямля падсохне, насабірае ён звесткі пра непрагледжаныя доты... і пакаціць Марыначка зноўку ў гэтым накірунку. Для мяне гэта сумна, бо гістарычнай спадчыны там не засталося цікавай.
kabierac
Feb. 12th, 2013 04:16 pm (UTC)
Знаёмая праблема, бетонныя каробкі хутка надакучваюць) Я, праўда, толькі першае лета катаўся, але на будучыню пачаў прадумваць цікавейшыя, комплексныя маршруты - напрыклад, пад Семежавам, дзе не толькі ДОТы Слуцкага УР, але і палац стары, і вятрак, і мясціны паўстанцкія.
azarkinm
Feb. 12th, 2013 04:21 pm (UTC)
Мы таксама так спрабуем. Проста менавіта гэта паездка была толькі па ДОТах, ды яшчэ вакол Лініі Сталіна таксама толькі іх ездзілі глядзець. А так я настойваю на спалучэнні, бо тады нам з дачкой становіцца зусім не цікава.
mi_ku_apx
Feb. 12th, 2013 05:22 pm (UTC)
в Новосёлковских дотах я провёл детство. Тот, который сечас с картошкой был самый целый/сохранившийся
а в конюшне ещё была крыша и третья колонна. Портик стал разрушаться из-за того,что колхоз снёс одну из колонн, чтобы ближе к дверям подгонять грузовик (внутри было хранилище)
azarkinm
Feb. 12th, 2013 05:30 pm (UTC)
піпец... не хапае словаў наконт калоны. Вы мяне дабілі. Як так можна...
Ну зараз той што з бульбай не выглядае такім цэлым. А ў вялікі дот лазілі? Заўсёды быў заліты вадой ніжні паверх?
mi_ku_apx
Feb. 12th, 2013 05:34 pm (UTC)
вот не помню я там такого количества воды...
кажется, было меньше
azarkinm
Feb. 12th, 2013 05:36 pm (UTC)
але на ніз вы спускаліся? ну так каб на самы ніжні паверх? ці толькі па даступнаму хадзілі?
mi_ku_apx
Feb. 12th, 2013 05:44 pm (UTC)
только по верхнему. помню только лужи внизу. тогда фонарика у меня не было:)
azarkinm
Feb. 12th, 2013 05:57 pm (UTC)
:-) а мы наўмысна набылі для такіх вылазак... бо можна ў цёмным доце не толькі на лужу наступіць... але і на дохлую карову.
victogan
Feb. 12th, 2013 07:58 pm (UTC)
Гут. Вельмі цікава :)
azarkinm
Feb. 14th, 2013 04:07 am (UTC)
дзякуй
incopolis
Feb. 13th, 2013 07:36 pm (UTC)
Был в доте возле поселка Видзы на Браславщине. Точнее, их там аж два, но один недавно взорвали - чтобы пацаны не лазили. Взорвали херово: он не разрушился полностью, и теперь точно может внезапно на кого-нибудь рухнуть. А второй целый, в землю закопанный, только амбразура торчит (в склоне у вершины холма).
azarkinm
Feb. 14th, 2013 04:10 am (UTC)
Калгас відаць не разумее калі ўзрывае гэтыя доты што робіць. Па-першая сітуацыя, што вы апісалі можа здарыцца. Па-другое, усё ж такі такіх дотаў ды з такой лініяй ўздоўж былой мяжы няма ў іншых краін і гэта гістарычная спадчына.
incopolis
Feb. 14th, 2013 07:54 am (UTC)
Не совсем так. На линии Маннергейма и линии Мажино ДОТы остались.
azarkinm
Feb. 15th, 2013 04:31 am (UTC)
Думаю што першая, што другая для большасці насельніцтва незразумелы набор прозвішчаў. Іх таксама можна ўзрываць.
incopolis
Feb. 15th, 2013 06:55 am (UTC)
Вот видите ли, я тут за тысячи километров знаю эти названия. Мне представляется, что там, в Финляндии и Франции, это тоже довольно знаковые исторические объекты.
evg655
Feb. 14th, 2013 09:03 pm (UTC)
Гм, на Браславщине это огневые точки немцев еще с первой мировой.
incopolis
Feb. 14th, 2013 09:07 pm (UTC)
Очень может быть, однако у того, который вмурован в вершину холма, амбразура смотрит на запад.
evg655
Feb. 15th, 2013 05:41 am (UTC)
Может есть фото?
incopolis
Feb. 15th, 2013 07:03 am (UTC)
Да, есть немножко. Наверное, я слегка ввел вас в заблуждение, говоря, что амбразура смотрит на запад. Глядя на фото и припоминая, получается, что на запад смотрит не то чтобы амбразура, а щель, через которую мы залазили (она там единственная) - и напротив нее сразу же этакий бруствер. Неужто через нее могли стрелять? Второе фото - разрушенный дот у самого Видзского озера.



evg655
Feb. 15th, 2013 08:05 am (UTC)
Cложно судить по первому фото, возможно это укрытие от артиллерийского огня, а не огневая точка. Но в общем мои предположения верные - это еще первая мировая.
( 22 comments — Leave a comment )

Profile

leta i ja
azarkinm
AzarkinM

Latest Month

May 2018
S M T W T F S
  12345
6789101112
13141516171819
20212223242526
2728293031  

Tags

Powered by LiveJournal.com