?

Log in

No account? Create an account

Previous Entry | Next Entry

Плошча Сцяга (Мінск)

2 ліпеня 2013 года, пафасна, з прамой трансляцыяй па тэлебачанні ўся краіна назірала за адкрыццём, якое некаторыя чыноўнікі назвалі “самай непаўторнай, яскравай падзеяй, якая адбываецца раз на жыццё”. Пагаджуся, раз на жыццё. Як, раз на жыццё, адкрывалася Плошча Свабоды, як раз на жыццё адкрываўся Губернатарскі парк, як раз на жыццё будуюць касцёлы, замкі ў нашай краіне. Пытанне ў іншым, што пасля нашчадкі захочуць зрабіць з вашым разуменнем “раз на жыццё”?


Але вернімся да плошчы. Яна з’яўляецца як бы завяршальнай кропкай ў тандэме рэканструкцыі мясцовасці. Першае – гэта месца працы прэзідэнта; другое – месца прыняцца дэлегацый (ці музей, ці яшчэ нешта… а для большасці былы выставачны комплекс БелЭкспа); трэццяя – Плошча сцяга. Як памятаеце ў кніжцы дзіцячай - “А из нашего окна Площадь Красная видна» так і тут, некаторыя людзі могуць пахваліцца выглядам са свайго вакна, ці працоўнага месца.




Але зноўку вернемся да плошчы. Сустракаюць наведвальнікаў словы з савецкага, сучаснага гімна беларусаў.


У цэнтры знаходзіцца флагшток са сцягам, які не прамакае, не выгарае на сонцы і, як нам распавядаюць эксперты, будзе лунаць у любое надвор’е.


Вакол сцяга размешчаны слупы з нацыянальным узорам, які паўтарае ці то узор сцяга, ці то вышыванку мужчынскай кашулі, а на слупах размешчаны гербы абласцей. Зараз хуценька пройдземся па іх.















Асобную ўвагу ўсе незалежныя СМІ надавалі гербу Віцебскай вобласці. :-) Спадзяюся, не трэба тлумачыць чаму.


Вакол плошчы былі пасаджаны дарагія чырвоныя клёны, якія, калі прыжывуцца да нашых хімікатаў, якімі пасыпаюць зімовыя дарогі, то будуць вельмі прыгожа глядзецца.

І ведаеце што, толькі не закідвайце мяне гнілымі памідорамі… Плошча мне спадабалася. Ад таго, што яна ёсць, ужо нікуды не падзенемся мы, але і з ёй жыць можна. Памятайце, што калісьці яна можа выглядаць так…


І так...


І літары пераплавяць на іншыя літары і загучыць зусім ужо іншая мелодыя:

У гушчарах, затканых імглою,
шэрым змрокам, на золку, ў зару
ахвяруем Табе мы сабою
кожны дзень, кожны час, Беларусь.

I няма ў сэрцах жаху, ні жалю,
мы адвагай змагарнай гарым:
не чужыя жануць нас удалеч,
але Ты нас вядзеш да зары.

I мы верым, яна разгарыцца,
ўстане зноў над краінаю дзень,
бо ня стане змагар, не скарыцца
прад нягодай ніколі, нідзе.

Хмараў дым над галовамі тае,
вецер дыхае мятай, быльлём.
Беларусь, Беларусь залатая,
за Цябе, за Цябе мы ідзём!



P.S. Сцяг — палотнішча правільнай геамэтрычнай (звычайна прамавугольнай) формы. Дзяржаўны сцяг з’яўляецца адным з дзяржаўных сімбаляў. Акрамя дзяржаўнага, краіна можа мець вайсковы і камерцыйныя (гандлёвыя) сцягі. Свае сцягі маюць ня толькі дзяржавы, але і некаторыя рэгіёны і гарады, могуць мець міжнародныя арганізацыі, камерцыйныя кампаніі, нацыянальныя рухі, грамадскія партыі, арганізацыі ды рухі.

Вось зараз вы ўжо дакладна ведаеце, што такое СЦЯГ. :-)

P.P.S. Для тролей удакладненне.
Першыя дакумэнтальныя згадкі пра бел-чырвона-белы сцяг адносяцца да позняга Сярэднявечча, а першым дакументальным сведчаннем лічыцца карціна XVI стагоддзя, прысвечаная Бітве пад Воршай. Хаця ходзіць паданне, што ўпершыню сцяг з’явіўся пад Грунвальдам, калі паранены князь падняў над галавой акрываўленую стужку і павёў войска наперад. Сцяг з’яўляўся дзяржаўным пры Беларускай Народнай Рэспублікі (1918-19) і пры Незалежнай Беларусі (1991–95).

Чырвона-зялёны сцяг з’явіўся ў 1951 годзе. Таму паданне, што пад гэтым сцягам ваявалі нашыя продкі з’яўляецца лухтой, сцяг не прайшоў ні праз адну вайну. Чырвоны колер на думку камуністычных геральдыстаў атаясамліваецца з крывёй, якую пралявалі нашыя дзяды падчас Другой сусветнай вайны. Зялёны – колеры лясоў ды балот Беларусі. Ну а арнамент, гэта арнамент прыдуманы для легкапрамысловай выставы, які планавалася выкарыстоўваць у гандлі і самае галоўнае, што назва добрая была ў яго “Узыходзячае сонца”.

Comments

( 13 comments — Leave a comment )
krumkac
Aug. 9th, 2013 06:04 am (UTC)
Прабачце, але вашыя звесткі пра сцяг не зусім правільный. Палотнішча бел-чырвона-белае выкарыстоўвалась як харугва, але не сцяг. А вос праект сучаснагабел-чырвона-белага сцяга быў распрацаваны Дуж-Душэўскім у 1917-1919 гг.
azarkinm
Aug. 9th, 2013 01:54 pm (UTC)
дзякуй за ўдакладненне
victogan
Aug. 9th, 2013 06:12 am (UTC)
Закат над балотам, да
azarkinm
Aug. 9th, 2013 01:54 pm (UTC)
ага. яно самае, хутчэй бы яго прыбраць.
maystra
Aug. 9th, 2013 06:26 am (UTC)
З'яўляючыся таксама прыхільнікам БЧБ-сцяга, між тым, адмоўна стаўлюся да міфатворчасці.
У бітве пад Оршай намаляваны сцягі Св. Георгія, якія былі распаўсюджаны ва ўсёй Еўропе, і таму суадносіць іх толькі з ВКЛ, а тым больш з Беларуссю - памылка. Хоць, праўду кажучы, гэты сцяг і зараз лічаць сваім Англія, італьянскія гарады Мілан і Генуя і інш.
А што тычыцца акрываўленай стужкі на галаве князя - гэта ў мяне выклікае толькі ўсмешку.
azarkinm
Aug. 9th, 2013 01:57 pm (UTC)
на тое яно і паданне і можа выклікаць усмешку. Думаю ў свеце шмат такіх паданняў, якія спецыялісты разаб'юць у шчэнт. Але...людзям трэба такія "небыліцы". Вы толькі ўявіце, што ў падручніках будуць пісаць чаму сапраўды Рагнеда замахнулася на Уладзіміра. Таму, нам патрэбны міты.
napramak
Aug. 9th, 2013 08:45 am (UTC)
Дзякуй за пост. Цікава. Але незразумела, чым вам спадабалася плошча. Напэўна, трэба паглядзець на яе.
azarkinm
Aug. 9th, 2013 01:58 pm (UTC)
сапраўды можа занадта моцна сказала, што спадабалася... хутчэй заўсё, плошча не выклікае адмоўнай рэакцыі ў мяне. І я гляжу на яе як на тое, што можна перарабіць калі прыйдзе час.
markiz_de_kiss
Aug. 9th, 2013 05:55 pm (UTC)
А чым вам не падабаецца плошча? Мо' палка на плошчы Перамогі лепш выглядае?
napramak
Aug. 9th, 2013 06:23 pm (UTC)
Не была, не ведаю. Мне з паста незразумела было, чым падабаецца плошча. Таму і напісала вышэй: трэба пайсці і паглядзець самой. Чытайце ўважліва, калі ласка.
markiz_de_kiss
Aug. 9th, 2013 06:26 pm (UTC)
Даруйце.
svetatarnikova
Aug. 10th, 2013 06:44 am (UTC)
Не першае чую ўражанне ад гэтай плошчы "лёгка будзе ўсё змянiць")

Так, яна даволi нейтральная - проста, сцiпла, як нейкi фон цi белы аркуш паперы. Што ў iм можа быць добрага цi дрэннага - толькi магчымасць перапiсаць наноў. Яна ёсць, адназначна.

плiтка нейкiмi плямамi там малюнак? Трэ будзе паглядзець самой.
azarkinm
Aug. 10th, 2013 08:02 am (UTC)
так. таму яна мне і падабаецца, бо яе можна пасля перапрацаваць на свой лад.

і на плітцы ніякіх вузораў няма, можа неяк пасля дажджу цяжка высыхае, ці хутка занадта рабілі.

( 13 comments — Leave a comment )

Profile

leta i ja
azarkinm
AzarkinM

Latest Month

April 2018
S M T W T F S
1234567
891011121314
15161718192021
22232425262728
2930     

Tags

Powered by LiveJournal.com