AzarkinM (azarkinm) wrote,
AzarkinM
azarkinm

ГЛІНІШЧА (Гомельская вобласць)

Вёска Глінішча Хойніцкага раёна ў ХХ ст. атаясамліваецца з імям вядомага на ўсю Беларусь аднавяскоўца, які тут нарадзіўся ў 1921 годзе. Здагадаліся? Не? Гэта ж самы вядома беларускі паляшук – Іван Мележ! :-)


“Людзі на балоце” адзін з самых любымых маіх твораў, я ўжо не кажу пра фільм, якія я яшчэ школьніцай праглядзела некалькі разоў і чытаючы раман, вобразы герояў ў мяне ўяўляюцца менавіта такія як у фільме. Таму калі ў Хойніках у 2010 годзе з’явілася скульптура героям рамана, я ведала, што ў наступнай вандроўцы на Палессю я абавязкова пабачу ўвачавідку яе.


Наведвання музея ў нашых планах першапачаткова не было, але калі рухаешся па дарозе на Хойнікі і заўважаеш шыльду-указальнік, разумееш, што варта ўсё ж такі зрабіць тут прыпынак, бо калі ў наступны раз з’явіцца такая магчымасць?

Вонкава дом нічым не адрозніваецца ад іншых вясковых хат, якія мы праяджалі. Хіба толькі помнік у двары кажа пра тое, што тут не звычайны сялянскі падворак.


Дарэчы, пісьменніку, які пісаў свае творы па-беларуску аднавякоўцы (а хутчэй заўсё аднараёнцы) вырашылі паставіць помнік рускамоўны.


Каля каліткі наведвальнікаў сустракаюць драўляная Ганна…


...ды Васіль, які хаваецца сарамліва ў хмызняку.


Але нам не пашансціла. Як бачна ў музея даволі спецыфічны графік працы. А мы вандравалі як раз такі ў нядзелю.


І хаця музей не быў зачынены, наўмысна ці выпадкова я не ведаю, ўнутранае табу не блукаць па чужым адчыненым хатам дало знаць пра сябе. Я так і не здолела пераступіць ганка музея і крыху адчыніўшы дзверы зрабіла пару фатаздымкаў каб можна было паказаць вам, чаго варта чакаць ад музея. Як бачна, звычайны музей, дзе сабрана ўсё, што тычыцца сялянскага побыту (хаця вядома гэта маё суб’ектыўнае меркаванне, буду рада пачуць, што там сапраўды шмат экспанатаў, якія распавядаюць пра Івана Мележа, яго сям’ю і іх побыт).


Для нас засталася загадкай, чаму быў адчынены музей. А калі і быў адчынены для такіх залётных турыстаў як мы, то чаму не пакінуць тэлефон ці напісаць нейкую шыльду з прапановай ахвяраваць за прагляд музея грошы ці штосьці накшталт такога? Думаю мы б з задавальненнем з дзецьмі пахадзілі па музею і паглядзелі экспанаты, не баючыся быць прынятымі як злодзеі.


Недалёк ад музея на плошчы ў 2008 годзе паставілі помнік нашай чарнобыльскай болі. Лаканічны, сціплы, па-беларуску, з рускоўным надпісам пра тое, што адчынены дзякуючы прэзідэнту. Двухмоўе краіны, як бачым праявілася на помніку даволі відавочна.


Паблукаўшы па вёсцы вы ніколі не здагадаецеся, што яна існуе з XVIII ст.



Tags: Вандроўкі, Вандроўкі Беларусь, Гомельская вобласць
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 5 comments