?

Log in

No account? Create an account

Previous Entry | Next Entry

Гэй! Мінчукі! Ці былі вы хоць раз на старажытным замчышчы? Там адкуль пайшла назва нашага горада?


Вы не не знойдзеце там музея, вы не знойдзеце рэканструяванага гарадзішча ХІ ст., вы не знойдзеце помніка асілку Менеску з паданняў. Вы знойдзеце толькі валы ды абмеленую Менку.


Але і яны вартыя таго, каб праехаць і прайсціся па ім. Тым больш зараз, калі восень бярэ сваё і вырываць сонечныя дні для вандровак становіцца ўсё цяжэй і цяжэй.


Валы былога Менска ўражваюць.


Вось тут калісьці стаялі дамы і жылі людзі. А на версе стаяла частаколе з ахоўнікамі спакоя тагачасных менчукоў. А ў іх амуніцыі былі толькі коп’і, лукі ды шчыты.




А як вам шырыня валоў? Тут і на кані можна праехаць, а ўявіце сабе, што і сцены з вежамі былі такой таўшчыні як шырыня валоў!


А зараз тут растуць толькі дрэвы.

І толькі валун з надпісам верне вас да разумення таго, што вы знаходзіцеся на гістарычным месцы – адкуль пайшоў Старажытны Менск.


Усё гэта вы можаце знайсці ў вёсцы Гарадзішча :-) Мінскага раёна.

Дарэчы больш гістарычнай інфармацыі вы знойдзеце ў maystra па спасылке http://spadczyna.com/history/reference/b_grdsh_mn.htm

У апошнія гады, тут пабудавалі царкву Св. Мікалая Цудатворца, працы па адзелцы яшчэ вядуцца.




Дык вось каб патрапіць на гарадзішча, трэба абмінуць каплічку, пракрочыць па кладачцы праз Менку і падыйсці да велічных насыпаў.




А як бы ўсё магло быць? Можа так?


Ці так?

Але гэта толькі Украіна, якая ў падыходзе да гістарычнай пашаны далёка наперадзе ад нас. http://obmorock.livejournal.com/118132.html фота ўзяты адсюль.

P.S. У свой час, начуваючыся на гістфаке, мясцовыя апантаныя рыцары плялі кальчугу і самі ў лесе рабілі нейкую частку частаколля ды нешта накшталт вежы, каб хаця бы неяк акунуцца ў гістарычнасць падзеяў. Але гэта былі як любяць казаць "ліхія 90-я", калі гістарычная свядомасць толькі прачыналася. І нават не ведаю, ці робяць нешта такое зараз?

Дарэчы, калі зазірнеце на мапу то зразумееце, што зусім побач знаходзіцца музей беларускай архітэктуры Строчыцы. Так што, з'яўляецца цудоўная двайная нагода заехаць на старажытныя валы, і прыгадаць сябрам, сябе ці дзецям паданні пра Менск.

СТРОЧЫЦЫ http://azarkinm.livejournal.com/72862.html

Comments

( 20 comments — Leave a comment )
budgawl
Oct. 14th, 2013 07:24 pm (UTC)
я вот был!
azarkinm
Oct. 14th, 2013 07:27 pm (UTC)
ну відаць будзеш хіба адным з фрэндстужкі хто заяджаў туды. Не думаю, што шмат было там людзей. Большасць і не ведае пра гэта месца.
budgawl
Oct. 14th, 2013 07:42 pm (UTC)
Просто в Минске мало минчан. Но тут, надеюсь, будет побольше-)
azarkinm
Oct. 14th, 2013 07:45 pm (UTC)
не думаю. нават мінчукі не ўсе ведаюць дзе гэта знаходзіцца і як даехаць. але спадзяюся, калі прыйдуць часы калі на гэтых валах будуць стаяць з дрэва вежы, то будуць ведаць і прыяджаць.
budgawl
Oct. 14th, 2013 09:57 pm (UTC)
Мне вот тоже мозырь вспомнился. Пусть лучше не строят и не едут-)
azarkinm
Oct. 15th, 2013 03:57 am (UTC)
Гэта ж галоўнае як пабудаваць. Мазыр не павінен спыняць гэту ідэю.
vyshivanka
Oct. 15th, 2013 07:02 am (UTC)
Я там так сама была:)
azarkinm
Oct. 15th, 2013 07:26 am (UTC)
ну вам і паложана па доўгу службы. :-))))
livejournal
Oct. 14th, 2013 07:46 pm (UTC)
СТАРАЖЫТНЫ МЕНСК (Мінская вобласць)
User dmitry5530 referenced to your post from СТАРАЖЫТНЫ МЕНСК (Мінская вобласць) saying: [...] Оригинал взят у в СТАРАЖЫТНЫ МЕНСК (Мінская вобласць) [...]
kabierac
Oct. 14th, 2013 08:10 pm (UTC)
А я проста ненавіджу і імкнуся знішчыць версію ўзнікнення Менску на Менцы.
azarkinm
Oct. 14th, 2013 08:36 pm (UTC)
Ну як жа яе знішчыш. Гісторыя такая рэч, як не аспрэчвай факт, але калі яны засталбіліся ў гісторыі, гэта ўжо цяжка зрабіць. Прыклад... подзвіга Гастэла. Ужо даказана, што не ён учыніў гэты подзвіг, што не ён першы, але... ён на слуху,і ўсёй віной памылка гісторыкаў. З гэтым варта жыць, і як мага болей паданняў ствараць ці прыказак на гэты конт.

Калі вучылася на гістфаку, то Лойка выдатнейшы наш гісторык казаў "Не магчыма распавядаць усю праўду гісторыі. Бо па першае мы яе не ведаем, па другое, яна павінна быць як паданне авеяная міфамі і прагажосцю. Напрыклад Рагнеда. Ну не будзем жа мы дзецям распавядаць чаму менавіта Рагнеда ўклала меч у рукі Ізяслава каб ён забіў бацку. Таму народу патрэбна паданне пра тое што яна помсціла за бацькоў".

Так і тут... НАРОДУ ТРЭБА ГЭТА МЕНКА І МЕНСК з ёй.
maystra
Oct. 14th, 2013 08:15 pm (UTC)
Толькі прыведзеная Вамі рэканструкцыя Загарульскага датычыць Мінскага замчышча, а не гарадзішча на Менцы. Ён, дарэчы, не падзяліў ідэю таго, што на Менцы знаходзіўся першапачатковы Менск, хоць і зазначаў, што жыццё на Мінскам замчышчы, згодна з дадзенымі раскопак, пачалося як раз тады, калі гарадзішча на Менцы перастала існаваць.
Пра гарадзішча на Менцы у мяне на сайце - http://spadczyna.com/history/reference/b_grdsh_mn.htm
Пра Мінскае замчышча - http://spadczyna.com/history/reference/b_mn_zam.htm
azarkinm
Oct. 14th, 2013 08:32 pm (UTC)
Але гарадзішча было, вежы былі, было і частаколле. І думаю, што хацябы адзін нармалёвае такое гарадзішча варта аднавіць. Мазыр не бяру за прыклад бо там усё ж такі ў горадзе ўсё знаходзіцца. А вось так, менавіта на прыродзе, каб была навокал прырода, такога ў нас няма.

А за спасылкі дзякуй, пагляжу.
maystra
Oct. 14th, 2013 08:40 pm (UTC)
Тое што было на Менцы, на думку даследчыкаў, варта было б нават назваць па мерках таго часу магутнай крэпасцю, а не проста гарадзішчам. Таму і ушанавання і адпаведнага абыходжання гэтае месца заслугоўвае ў першым шэрагу сярод нашых іншых знакамітых помнікаў
zhauranak
Oct. 14th, 2013 11:04 pm (UTC)
Крута, дзякуй!
incopolis
Oct. 15th, 2013 07:59 am (UTC)
Загорульский очень четко и доходчиво доказывает, почему Менск не мог возникнуть на Менке.
vital_rudak
Oct. 15th, 2013 08:25 am (UTC)
Не менчук, але быў. Праўда царква яшчэ нават не будавалася тады здаецца.
azarkinm
Oct. 15th, 2013 07:38 pm (UTC)
апошнім часам у нас цэрквы як грыбы растуць.
evg655
Oct. 15th, 2013 05:37 pm (UTC)
Для статыстыкi - быу)
azarkinm
Oct. 15th, 2013 07:39 pm (UTC)
Ведаеце, а я вельмі дарэчы здзіўлена, што шмат хто піша што быў. Думала такіх мала будзе. Не ўсе згублена відаць для нашага грамадства... ці проста людзі такія тут сабраліся як на падбор :-))))))))))))
( 20 comments — Leave a comment )

Profile

leta i ja
azarkinm
AzarkinM

Latest Month

May 2018
S M T W T F S
  12345
6789101112
13141516171819
20212223242526
2728293031  

Tags

Powered by LiveJournal.com