AzarkinM (azarkinm) wrote,
AzarkinM
azarkinm

КНЯЖЫЦЫ (Магілёўская вобласць)

Калі вы нейкім чынам патрапілі на трасу Мінск-Магілёў, патрапілі недалёк ад абласнога цэнтра, то не палянуйцеся і абавязкова звярніце з дарогі. Не пашкадуеце, абяцаю! У Магілёўскім раёне, усяго ў 10 км ад Магілёва знаходзіцца мястэчка Княжыцы, а ў ім цудоўнейшы касцёл ХVIII стагоддзя у стылі барока.


Упершыню вёска ўзгадваецца ў 1501 годзе, а праз 30 год, у 1535 годзе маскоўскія войскі пад кіраўніцтвам Івана Шуйскага cпальваюць Княжыцы дашчэнту, але яны аднаўляюцца ў яшчэ большым памеры – становяцца мястэчкам. З 1681 Княжыцы належаць харужнаму Вялікага княжства Літоўскага Канстанціну Уладзіславу Пацу, які та і заснаваў у мястэчку дамініканскі кляштар.




Спачатку будынак кляштара быў драўляны, але ўжо ў сярэдзіне XVIII стагоддзянашчадкі Канстанціна пачынаюць будаўніцтва новага мураванага касцёла. Крыштоф Пац (сын Канстанціна), Антоні Пац (унук), Андрэй і Соф’я Крукоўскія былі асноўнымі фундатарамі будаўніцтва новай святыні, якая была асвечана ў 1780 годзе, як касцёл св.Антонія Падуанскага ў гонар святога ахоўніка тагачаснага ўладара Княжыц Антонія Паца.






Касцёл быў пабудаваны ў стылі барока. Нават у паўзруйнаваным стане, які вы пабачыце сёння, касцёл усёроўна застаецца велічным і прыгожым. Знаходзячыся тут, адчуваеш нібыта ўсе сцены проста вісяць дзесьці ў паветры. І нездарма, бо цэнтральная частка касцёла ў вышыню дасягае 15 метраў, і дзякуючы адсутнасці калон ў сярэдзіне ствараецца гэтае паветранае адчуване. Вядома фатаздымкі не перададуць адчуванне, якое з'яўляецца, калі ты стаіш там ў рэальнасці.






Пасля першага падзела Рэчы Паспалітай, мястэчка разам з іншымі землямі далучаецца да Расійскай Імперыі. Але пакуль кляштар дамініканцаў працягвае існаваць.




Спыненне дзейнасці дамініканскага ордэна з’вязана з паўстаннем 1830-31 гг на тэрыторыі былой ВКЛ. За тое, што ордэн падтрымаў паўстанцаў, у сценах кляштараў хаваў зброю, а таксама даваў прытулак параненым, усе будынкі па краіне зачыняюцца.




Праз год службы аднаўляюцца храм вядзе каталіцкія службы.Але не надоўга. Надыходзіць новае паўстанне, на гэты раз каталікі падтрымліваюць паплечнікаў Каліноўскага.




І ў 1865 годзе касцёл перадаецца праваслаўным. Будынак зачыняецца на рэканструкцыю і адчыняецца як праваслаўная царква св.Мікалая ў 1872 годзе. Рэканструкцыя будынка заключалася ў надбудове чатырох праваслаўных купалоў-цыбулін.




Царква ў будынку касцёла дзейнічала да 1965 года, хаця сам будынак значна быў пашкоджаны ў часы Другой сусветнай вайны. Паступова касцёл прыйшоў у стан, які мы можам назіраць зараз.


У 2000-я былі спробы распачаць рэстаўрацыю будынка. Яго нават апранулі ў будаўнічыя лясы, але нажаль на гэтым праца скончылася, бо скончылася і фінансаванне.


На дадезны момант будынак належыць каталіцкам, як касцёл Нараджэння Найсвяцейшай Панны Марыі і св. Дамініка. Надзеі на аднаўленне будынку пакуль не існуе.


Цікавым фактам Княжыц з’яўляецца тое, што некалькі год яны знаходзіліся ў складзе РСФСР. Як і Хойнікі праз 16 дзён пасля заснавання БССР, гэтую частку тэрыторыі перадаюць у склад Расійскай федэрацыі. Там яны і заставаліся, да 1924 года калі былі вернуты Беларусі.


P.S. Ну а гэта інфармацыя зусім для з роду фантастыкі.

8 июня 1990 года, 2 часа ночи. Деревня Княжицы Могилевского района. Больные сельской больницы проснулись от топота ног и голосов дежурного медперсонала. Посмотрев в окно, увидели, что на улице было светло как днем. Свет исходил от объекта, который висел над землей неподалеку от больницы. Складывалось впечатление, что по размерам он больше Солнца, а поскольку он находился близко, то светил ярче него. В ту сторону невозможно было смотреть. Из ближайшей деревни начал собираться народ – думали, что в Княжицах пожар. Через некоторое время объект начал удаляться и его стало возможным разглядеть. Он представлял собой тело, состоящее как бы из двух тарелок, одна из которых была перевернута. Но это был один предмет, средняя часть которого не светилась и поэтому не была видна. Очень быстро он исчез. (Рассказ жительницы д. Присно-2 Марии Никитичны Кокетовой). (По данным Р. Прошиной «Могилевская правда» 07.07.90).


“Истина где-то рядом!” Праўда? :-)

Tags: Вандроўкі, Вандроўкі Беларусь, Магілёўская вобласць, Магілёўскі раён, Пац
Subscribe

  • Як шмат сяброў вярнулася...

    Даўно не была тут, а як пагляжу дык зусім даўно і не пісала ў ЖЖ. А тут зайшла, і пабачыла, што столькі сяброў вярнулася зноўку пісаць. Падчысціла…

  • ДРЭВА ПРОДКАЎ

    Ці цікавіцеся вы сваімі прашчурамі? Збіраеце звесткі пра тое кім былі вашыя прадзядулі, стрыечныя браты бацькоў і вашыя? Ці ведаеце вы на якой…

  • Бэзавае воблака водару ў Батанічным садзе Мінска

    Калі вам падабаецца водар бэзу, то раю паспець у гэтыя выходныя атрымаць асалоду ад шпацыру па Батанічнаму саду Мінска. Знайсці разнакаляровы…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 31 comments

  • Як шмат сяброў вярнулася...

    Даўно не была тут, а як пагляжу дык зусім даўно і не пісала ў ЖЖ. А тут зайшла, і пабачыла, што столькі сяброў вярнулася зноўку пісаць. Падчысціла…

  • ДРЭВА ПРОДКАЎ

    Ці цікавіцеся вы сваімі прашчурамі? Збіраеце звесткі пра тое кім былі вашыя прадзядулі, стрыечныя браты бацькоў і вашыя? Ці ведаеце вы на якой…

  • Бэзавае воблака водару ў Батанічным садзе Мінска

    Калі вам падабаецца водар бэзу, то раю паспець у гэтыя выходныя атрымаць асалоду ад шпацыру па Батанічнаму саду Мінска. Знайсці разнакаляровы…