AzarkinM (azarkinm) wrote,
AzarkinM
azarkinm

ЛОШЫЦКІ ПАРК (Мінск)

Вось варта было з'явіцца на небе сонцу на цэлы дзень і мы не здолелі выседзіць дома. І зрабілі не такую і далёкую, але вандроўку - музей у Лошацкім парку.


Навокал прыгожы, ціхі парк і толькі лыжнікі час ад часу праяджаюць за заснежанымі дрэвамі. Людзей амаль няма. Ці маразоў спужаліся, ці за вадой усе пайшлі да царквы, але крочачы па ціхаму снежнаму ды сонечнаму парку ты адчуваеш, што вось такую зіму можна любіць.... некалькі дзён на год, а пасля зноўку захочацца вясны :-).


Музей адчынены, але вонкава нідзе інфармацыі няма, таму супрацоўнікі проста на браме напісалі на звычайнай паперцы "МУЗЕЙ ОТКРЫТ", каб людзі не міналі і хоць час ад часу заходзілі.


Побач стаіць і дапрацоўваецца яшчэ за будаўнічым плытом сядзіба


але супрацоўнікі распавялі, што адкрыццё плануецца праз 2 месяцы. З'явіцца нагода яшчэ раз завітаць у Лошыцу і паглядзець, што нашы рэстаўратары нарабілі ў будынку.


А пакуль, ёсць час паблукаць па даволі беднаму, але перспектыўнаму музею. І як заўсёды... былі бы сродкі.


Ці як там бабулькі кажуць - "былі б косці цэлы - мяса нарасце".


У будынку былога аканома сядзібы паказаны прыблізны побыт яго гаспадара. Але сціпласць экспанатаў кажа пра тое, што ўсё ж такі занадта спартанскі паказаны яго побыт.


За няйменнем экспанатаў уладароў маёнтку, тут месціцца вялікая экспазіцыя, якую выставіў на прагляд калекцыянер... прозвішча забыла. У вялікай колькасці прадстаўлена яго ўласная калекцыя самавараў






Можна пабачыць некалькі экспанатаў грамафонаў ды паціфонаў. Дарэчы, усе знаходзяцца ў працоўным стане.


Калекцыя гарлачыкаў.

Кажуць, нават некаторыя з іх пачатку ХХ ст.... хаця як па мне, дык вось гэтыя чорныя даволі сучасныя.

А таксама можна пабачыць, якія былі швейныя машыны ў пачатку ХХ ст.






А гэта - зінгер драўляны!


Музей паспрабаваў перадаць выгляд пакоя кухаркі. Мэблі, якой пазайздросціла б відаць сучасная ікеа. Бо гэты ложак зроблены з самага сапраўднага дрэва і збіраўся ды разбіраўся кожны раз калі кухарка пераяджала на іншае месца працы. Нам нават паказалі як здымаецца спінка ложка. І сабраны ён дарэчы без аніводнага цвіка.


Крыху яшчэ пашансціла сталовай. Тут размешчаны цудоўны буфет




А тасама сапраўдын нямецкі сервіз на стале стаіць.




Кіношнікі, яшчэ здымаюць там расейскі серыял, таму музей не прыводзіць печку ў нармалёвы выгляд і на ёй усё яшчэ знаходзіцца пенапластавае сіняе аздабленне.


Некаторый мэблі пакуль не пашансціла, і яна адзінока стаіць у пустым пакоі і чакае лепшых часоў.


Па ўсім будынку можна на столях пабачыць вось такія крукі як у цэнтры фота, на яго раней вешалі жырандолі са свечкамі.


А яшчэ цудоўна тое, што, нам дазволілі падняцца на самую вышыню, на аглядальную пляцоўку вежы дома. Праўда зімой вокны цалкам замёрзлі ад маразоў...


І яшчэ, калі паспееце наведаць музей у бліжэйшыя часы, то атрымаеце магчымасць паглядзець у падвале дэкарацыі да фільма "Алхімік".


Усе мы аднагалосна прыйшлі да высновы, што іх файна было б пакінуць тут... і зрабіць закуток якой павятухі ці аптэкара ў будынку... ды навесіць паўсюль зёлак, ды палыні. :-)




У будынку прадстаўлена і тагачасная тэхніка. :-)


Дзеці вядома ўзрадваліся, калі сказалі, што залазіць сюды можна.






Толькі сыходзячы з музея, заўважыла, што чамусьці вырашылі заклеіць літару Н на дзярах, надаўшы гэтым ёй больш рускае напісанне.




Дык ці ёсць час на бліжэйшых выходных? Наведайце музей! Кошт квітка зусім смешны - дарослыя 10 тыс., дзеці 5 тыс., фотаздымка 7 тыс.


"А калі ёсць, што паказаць са сваіх калекцый жыхарам горада... прыносьце і выстаўляйце". :-) Сказалі нам супрацоўнікі на развітанне.


А больш інфармацыі пра сядзібу можаце прачытаць вось у гэтым артыкуле http://azarkinm.livejournal.com/105742.html
Tags: Вандроўкі, Вандроўкі Беларусь, Музей, Мінск
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 8 comments