?

Log in

No account? Create an account

Previous Entry | Next Entry

Ці ведаеце вы, што зараз у музеі РСДРП праводзіць выстава “Ампірны Мінск. Шляхецкая гісторыя”? У адведзенай для экспазіцыі залі прадстаўлена адзенне, аксэсуары эпохі пачатку ХІХ ст.



Гэта не гістарычныя касцюмы, а сшытыня ў сучасны час дзякуючы энтузіастам, якія займаюцца рэканструкцыяй балоў і прыёмаў далёкага ХІХ ст. Але яны поўнасцю адпавядаюць тым, якія апраналі нашы з вамі продкі ў тыя часы.


Прыемна, што арганізатары на гэты раз падыйшлі да выставы з большай зацікаўленасцю, і з маленькіх прыемных дробязяў зрабілі вялікі пазітыўны настрой. Амаль каля кожнага адзення можна знайсці апісанне, калі павінна было апранацца дадзеная вопратка.




Пасля прагляду выставы вы дакладна будзеце разбірацца, што такое спэнсер і рыдынгот, будзеце адрозніваць адзенне для ранішніх вандровак і абедзеных прыёмаў.




Дзякуючы людзям, якія амаль жывуць аднаўленнем балоў і гісторыі ХІХ ст увачавідку пабачыце як выглядалі наўмысныя кніжачкі дзе запісваліся танцы дзяўчат і з кім яны плануюць іх танчыць.


Таксама пабачыце фатаздымкі балоў і прыёмаў, вандроўкі на паветраным шары, ранішняга сняданка на травеі. Дарэчы ўся інфармацыя на выставе прадастаўлена на рускай і беларускай мове.





Хаця дадам маленькую крытыку, куды ж без яе. :-) Я б зрабіла некаторыя фатаздымкі проста вялікімі, бо малыя ў калажы яны проста губляюцца!






Я засталася станоўча ўражанна ад выставы. Прыходзьце і спадзяюся не пашкадуеце.

І хачу заўважць, што калі браць сам музей, то дырэктар зрабіў значныя крокі для таго, каб было цікавей сюды наведвацца. Як сказалі нам супрацоўнікі музея “Новы дырэктар сказаў адчыніць усе пакоі для наведвання. Людзі павінны дакранацца да гісторыі.” За гэта яму вялікі дзякуй.

Нарэшце адчынілі для гледачоў пакоі ХІХ ст. Калі раней можна было толькі зазіраць у пакой праз дзверы, то зараз вы проста акунецеся ў тагачасны свет. Гэтага не хапае заўсёды калі спрабуюць рэкантруяваць пакой нейкага часу, а зайсці ў такі пакой немагчыма. Зараз, у музеі РСДРП вы такой няёмкасці не адчуеце, бо гэта не проста экспазіцыя ў вялікіх залях, гэта маленькія пакоі, з мэбляй, талеркамі, ложкам тых часоў. Так, яны былі такімі ж маленькімі, але вельмі ўтульнымі. І гэта адчуванне перадаецца адразу як толькі вы ўваходзіце ў дзверы.


Яшчэ адным прыемным момантам было і тое, што на ўсіх стэндах прысутнічае аўдыёгід. Прыходзім. Закачваем праграмку на тэлефон і слухаем ці чытаем усю гістарычную інфармацыю. Проста цудоўна! Аўдыёгіды працуюць на рускай, беларускай і ангельскай мове. Мы так і праходзілі па музеі слухаючы расповяды пра Мінск ХІХ ст і пра Чапскага, пра конку і аптэкара, пра рэвалюцыянераў і першы з’езд.


Прыемна, што сучасныя тэхналогіі пакрыху прыходзяць і ў нашы музеі. З’яўляецца надзея, што ўсё ж такі можна адыйсці ад савецкага падыходу да экспазіцый і зацікавіць наведвальнікаў.


:-) Спадзяюся, што наступным крокам будзе ў музеі вяртанне дазволу гледачам спускацца ў скляпенні дома, дзе раней (па словах мужа) яшчэ быў экспазіцыйны пакой падпольнай тыпаграфіі. Пагадзіцеся, цікава было б у паўцемны паглядзець як друкавалі ўлёткі і магчыма паставіць пару водціскаў на паперцы на памяць сабе. Было б цікава.


У нас засталіся толькі пазітыўныя ўражанні. Таму, раю вам у бліжэйшы час дайсці да Музея РСДРП, наведаць выставу, якая адчынілася 11 лютага. Нажаль нідзе я так і не знайшла да якога часу яна будзе працягвацца. Квіткі тут зусім танныя – 10 тысяч усяго.


P.S. А мы на добрых эмоцыях вырашылі наведаць і Гістарычны музей на Карла Маркса. Ад гэтым крыху пасля, але хачу сказаць, што дзень проста быў вельмі ў нас пазітыўны ад таго, што пабачылі.

Comments

( 9 comments — Leave a comment )
francis_maks
Feb. 16th, 2014 10:24 am (UTC)
Хм, давненько собирался глянуть - что же там сейчас.
azarkinm
Feb. 16th, 2014 03:17 pm (UTC)
Трэба з выставай падгадаць. А зараз яна файная, так што абавязкова знайдзіце час.
tam_erm
Feb. 16th, 2014 10:25 am (UTC)
Дырэктар наш, гомельскі. Быў дырэктарам дварцова-парккавага музея Румянцывых-Паскевічаў, павысілі да начальніка ўпраўлення культуры аблвыканкама, ен ледзь дачакаўся заканчэння кантракта і збёг на жывую працу:) Дарэчы, Алег Гарьевіч не жанаты.
azarkinm
Feb. 16th, 2014 03:15 pm (UTC)
Файна калі людзі прафесіяналы на сваім мейсцы аказваюцца. А пра не жанатага гэта вы патэнцыйным нявестам распавядаеце : -)?
tam_erm
Feb. 16th, 2014 03:33 pm (UTC)
У яго абставінах - хутчэй жаніхам:) У нас так тлумачаць яго нежанатае становішча.
azarkinm
Feb. 16th, 2014 03:42 pm (UTC)
Галоўнае знайсці шчасце ў жыцці. А з кім гэта ўжо не важна.
melnsmacitajs
Feb. 16th, 2014 05:39 pm (UTC)
маленькая паправачка, Рыжкоў ніякіх адносін да дадзенай выставы не мае. У Дома-музея маецца свой штат супрацоўнікаў і сваё кіраўніцтва, якое і паставіла выставу сумесна з зацікаўленымі. Сам жа Гар'евіч быў ёй (выставай) незадаволены...

А выстава сапраўдны атрымалася добрай - у стылі і нічога лішняга... дзякуй лепей сказаць загадчыку Дома-музея і яго падначаленым :)

Edited at 2014-02-16 05:41 pm (UTC)
azarkinm
Feb. 16th, 2014 06:09 pm (UTC)
А ў чым можа быць незадаволенасць? Па мне дык атрымалася вельмі цікава. Нават цікавей чым былі дагэтуль выставы. Нават муж з задавальненнем хадзіў і ўсё чытаў.

А падзяку паміж іншым напісала ў кнізе водгукаў. І супрацоўніца музея казала нам, што змены пачаліся як у музея РСДРП з'явіўся новы дырэктар.За зменамі не сачу на пасадах,але змены ў музея відавочныя. Апошні раз якраз былы год таму.
tam_erm
Feb. 17th, 2014 06:28 am (UTC)
Вось яно як... Сумна.
( 9 comments — Leave a comment )

Profile

leta i ja
azarkinm
AzarkinM

Latest Month

April 2018
S M T W T F S
1234567
891011121314
15161718192021
22232425262728
2930     

Tags

Powered by LiveJournal.com