?

Log in

No account? Create an account

Previous Entry | Next Entry

УЗДА (Мінская вобласць)

Памяць чалавечая каротая, а ў сучаснай Беларусі яна і таго меней.


Цікава і адначасова сумна глядзець на людзей, якія ўсе свае праблемы спрабуюць вырашыць праз Бога. Калі натоўпы веруючых стаяць, каб асвяціць вярбу, калі на вадохрышча такі ж натоўп стаіць за вадой, а на Вялікдзень яшчэ большы ідзе асвячаць страву. А як толькі вяртаецца гэты натоўп да паўсядзённасці, працягвае грашыць, хлусіць і парушаць усе запаветы Божыя.

Натоўп верыць у жыццё пасля смерці, ён шануе сваіх продкаў. Але чамусьці забывае пра продкаў тых, хто быў на гэтай зямлі значна раней. Зараз няма разумення “МЫ” не важна ў якім сэнсе, ёсць толькі разуменне “Я і мая сям’я”. Мы не памятаем тых, хто такжа жыў, верыў, марыў ды кахаў на гэтай зямлі. Хто сыйшоў у іншы свет, пакінуўшы гены нам сваім нашчадкам. Аб іх нам нагадваюць часам толькі надмагільныя пліты на старых могілках. Нам усе пліты падаюцца камянямі, а выцертая гісторыя не дае магчымасці ганарыцца тымі, хто жыў тут. Так была сцёрта з памяці магіла вядомага беларускага філосафа XVIII ст Ф.Бохвіца на старых могілках у вёсцы Дарава. На яе месца проста пахавалі сучаснага дараўца. І колькі такіх прыкладаў па ўсёй краіне. Яны проста нікім не фіксуюцца.


Ва Уздзе знішчылі старыя каталіцкія могілкі, якія знаходзіліся вакол капліцы Завішаў. Гэтыя могілкі з’явіліся ў канцы XVIII стагоддзя. Прыблізна ў гэты ж час была пабудавана і капліца на той час заможнага і вядомага рода Завішаў. Вакол капліцы знаходзілі свой апошні прытулах больш заможнае насельніцтва наваколля. Могілкі існавалі і дзейнічалі напрацягу ХІХ і першай паловы ХХ стагоддзя. Пакуль у сярэдзіне 1960-х мясцовыя не вырашылі, што месца не хапае, а старыя могілкі нікому не патрэбны. І зрэдку пачысцілі старыя пахаванні. Часамі проста прыбіралі занядбаныя магілы, не дастаючы нават труны з зямлі. І клаліся на вечны спакой другім ярусам нябожчыкаў.

Менавіта ў гэты ж час могілкі перасталі быць толькі каталіцкімі. У часы, калі рэлігію выкідвалі адусюль, калі руйнаваліся святыні, не было месца старым могілкам. Былі прыбраны самыя старыя магілы – пачатку ХІХ ст, а зараз прыйшоў час новай хвалі зачысткі. І ўжо магілы сярэдзіны ХІХ і пачатку ХХ стагоддзяў сыходзяць у нябыт.

Сучасная праблема недахопу месцаў на могілках была вырашына элементарна проста нашымі суайчыннікамі. Прыгналі бульдозер і пачысцілі старыя пахаванні. Ніхто не выкапваў труны, ніхто не захоўваў іх у скляпеннях пад касцёлам ці царквой, іх проста зраўнялі з зямлёй.


Большую частку надмагільных пліт вы можаце зараз знайсці толькі ў інтэрнэце на фатаздымках http://by-mohilki.livejournal.com/19861.html, яшчэ нейкая частка валяецца каля падчышчаных магіл.


І новае пакаленне няверуючых ужо размяжавала ды падзяліла надзелы пад будучыя пахаванні.


На тое, што мы пабачылі, не хапае ні слоў, ні эмоцый. Толькі адное пытанне – “ШТО Ж ВЫ ЛЮДЗІ РОБІЦЕ ТАКОЕ!”

…і пасля такіх учынкаў калі прыйдзе чарговае свята, вы пойдзіце ставіць свечкі і маліць Бога аб дапамозе.

Comments

( 12 comments — Leave a comment )
facciadipietra
Apr. 15th, 2014 06:58 pm (UTC)
Чым далей, тым мацней адчуваньне, што Савецкі Саюз нікуды не падзеўся, хоць мы і чулі шмат горкіх енкаў пра праклятых амэрыканцаў, якія яго развалілі. Можа, Саюз і сканаў, але савецкі чалавек і надалей "живее всех живых" Як той казаў:"Дедушка умер, а дело живет, лучше бы было наоборот ".

Edited at 2014-04-15 06:59 pm (UTC)
azarkinm
Apr. 15th, 2014 07:11 pm (UTC)
Саветчына гэта стан душы відаць.
facciadipietra
Apr. 15th, 2014 07:30 pm (UTC)
На жаль.
salasz
Apr. 15th, 2014 07:57 pm (UTC)
Здаецца вы бачылі, але няхай тут будзе таксама... http://www.youtube.com/watch?v=41-SZNMb3o4
azarkinm
Apr. 16th, 2014 04:04 am (UTC)
Дзякуй, што падкінулі. Выкладу яшчэ раз, калі буду распавядаць пра Завішэй і іх маёнтак і капліцу. :-) Я не здарма не абумовілася пра піраміду ў гэтым пасце. :-)
tam_erm
Apr. 15th, 2014 09:19 pm (UTC)
Ім ужо ўсё роўна...
azarkinm
Apr. 16th, 2014 04:03 am (UTC)
Тым хто там ляжыць? Вядома. Але ўсёроўна павінны быць нейкія маральныя ўстоі. Нешта апошнім часам я шмат каму нагадваю словы, якія выбіты на камне ў Крошына "Жыццё кароткае, Радзіма вечная!"
krumkac
Apr. 16th, 2014 06:31 am (UTC)
Насамрэч, там ёсць старыя могілкі. Вы проста не даглядзелі. Вось ля брамы і направа. Вялікі масіў захаваўся. І, дарэчы, у сядзібе Завішаў мы вас бачылі. Акурат у той жа час там былі.
azarkinm
Apr. 16th, 2014 09:09 am (UTC)
Пытанне ў тым, што старыя могілкі вядома засталіся, я не кажу, што ўсе прыбралі. Але тэндэнцыя відавочна.

І вы былі ў маёнтку Завішаў? Чаму ж не падыйшлі?
krumkac
Apr. 16th, 2014 09:13 am (UTC)
Вы акурат збор аглядалі, а мы ля флігеляў прагульваліся. Дзьве жанчыны з трыма дзецьмі.
azarkinm
Apr. 16th, 2014 09:17 am (UTC)
Варта было падыйсці. Пазнаёміліся б у жывую. ))) Куды далей паехалі пасля сядзібы?
livejournal
Feb. 11th, 2015 03:37 pm (UTC)
Узда
User budgawl referenced to your post from Узда saying: [...] Увы. Мой рейтинг: взглянуть по дороге. Дополнительная литература: УЗДА (Мінская вобласць) [...]
( 12 comments — Leave a comment )

Profile

leta i ja
azarkinm
AzarkinM

Latest Month

May 2018
S M T W T F S
  12345
6789101112
13141516171819
20212223242526
2728293031  

Tags

Powered by LiveJournal.com