AzarkinM (azarkinm) wrote,
AzarkinM
azarkinm

МАГІЛЁЎ. Заасад

Заасад у Магілёве быў створаны на базе Магілёўскага дзяржаўнага прафісійнага агралесатэхнічнага каледжа ў 2004 годзе, хаця афіцыйна лічыцца, што адчынены дзверы сада былі ў 2005 годзе. Гэта, відаць, адзін з самых вялікіх заасадаў Беларусі, бо займае ён плошчу 124 гектара. Тут праходзяць падрыхтоўку кадры для лясных і паляўнічых гаспадарак не толькі вобласці, але і ўсёй Беларусі.


Так як гэта быў другі заапарк за два тыдні, то параўноўваць у нас было з чым.


У Магілёўскім заасадзе, вядома, няма такой колькасці жывёл як у Гродна (прадстаўнікоў адных фазанавых у Гродна каля 10 відаў).


Але магілёўскі заасад падкупае сваёй утульнасцю, шырокімі вальерамі для аленяў, ласёў, дзікоў.


Тут жывёлы бегаюць па гарыстай мясцовасці, засажанай дрэвамі, і ты не адчуваеш іх нейкай безвыходнасці. На дадзены момант жыхароў магілёўскага заасада больш за 200. У асноўным гэта прадстаўнікі беларускай флоры, якіх прывозяць ці з іншых беларускіх пітомнікаў, ці ад прыватных асоб.

А ну, знайдзіце там аленя.

Таксама з’явіліся, як у Гродна, і такія шыльдачкі са спонсарамі той ці іншай жывёлы.


З 2008 года ў заасадзе пачаў курсіраваць цягнічок. У яго ўсяго толькі два вагоны і едзе ён з хуткасцю 10 км у гадзіну.




За 2 км вандроўкі, якая зойме каля 20 хвілін вы пабачыце статкі аленяў і зуброў, казуль і ланяў.


А што можа быць лепшае для малодшага пакалення, чым пабачыць шмат Бэмбі ў адным месцы.


І паверце, на выхадзе з перона і ў дарослых, і ў дзяцей будзе шмат пазітыўных эмоцый, якія пакідае пасля сябе гэта вандроўка.

Самае высокае месца дзе праяджае цягнік. Вышыня каньёна дасягае памера шасціпавярховага дома.

Задумкі ў арганізатараў заасада вялікія. Тут плануецца пракладка веламаршрута, пешага ды коннага.



Плануюць аднавіць сядзібу Піпенберга, пабудаваную тут у канцы XVIII-XIX стст, якая належыла генерал-губернатару Пятру Пассеку. Калісьці вакол сядзібы быў разбіты прыгожы пейзажны парк з шматлікімі сцежкамі, статуямі і альтанкамі. Пасля Пасекі сядзіба належыла Янчыну, які ў сярэдзіне ХІХ стагоддзя дорыць сядзібу расійскай арміі, якая арганізуе тут штаб-кватэру. У канцы ХІХ стагоддзя ў калідорах сядзібы былі ўжо чутны крокі не афіцэрскіх сапог, а смех бедных дзяўчат з жаночага пансіёна, якому належыла сядзіба. У 1917 годзе будынак быў зруйнаваны і зараз можна пабачыць толькі рэшткі падмурка. Таксама ў парку можна знайсці рэшткі амфітэатра.


У планах заасада адчыніць музей рыб з 58 акварыумамі, у музеі будзе таксама адчынена вялікая экспазіцыя паляўнічай зброі і паляўнічых трафеяў з прыватных калекцый. Павінна з’явіцца для магілёўскіх дзяцей і хатка Дзеда Мароза ў заапарку. Таксама запланаваны запуск па Дняпры прагулачнага кацера з маршрутам Магілёў-Буйнічы-Баркалабава-Александрыя, ёсць верагоднасць, што адчынецца прыстань ужо у гэтым годзе, бо будаўнічыя працы на ёй ужо вядуцца.

Мы наведваліся ў заасад 9 мая, а з навін даведаліся, што з 1 чэрвеня ад галоўнага ўвахода заасада і да Дняпра ходзіць дыліжанс на 20 месцаў.


P.S. Байкі заасада. У заасадзе жыве страўс па мянушцы “Падабцаснік”. Страўсы жывуць так, што могуць мець тры-чатыры жонкі, але пакуль адзіная “жонка” магілёўскага стаўса не дапускае да “мужа” іншых самак. Пры першай жа магчымасці супружаскай нявернасці “мужа” яна пачынае заклёвываць і выганяць суперніцу. :-)
Tags: Вандроўкі, Вандроўкі Беларусь, Магілёўская вобласць, Магілёўскі раён
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments