AzarkinM (azarkinm) wrote,
AzarkinM
azarkinm

РАДЗІВІЛІМОНТЫ (ЧЫРВОНАЯ ЗОРКА) (Мінская вобласць)

Бачыць апошнія дні існавання гістарычнай спадчыны, гэта як глядзець на чалавека перад скананнем і ведаць, што хутка здарыцца непазбежнае. Такое адчуванне з’яўляецца калі патрапляеш у Радзівілімонты.


Першапачаткова землі вакол Клецка належылі каралеве Боне Сфорца, але ў 1558 годзе іх атрымаў род Радзівілаў. З гэтага часу яны перадаюцца ў спадчыну па мужчынскай лініі.

Прыгожы палац, ад якога нашым дзецям застанецца толькі падмурак, быў пабудаваны ў 1780 годзе на месцы старой барочнай сядзібы XVI стагоддзя і выкарыстоўваўся Радзівіламі як летняя рэзідэнцыя.



фота з radzima.org 2006 год

Будынак быў аднапавярховы, прамавугольны пабудаваны у стылі класіцызма паводле параекта знакамітага архітэктара Карла Спампані. Асаблівасць палаца – ўнутраныя сцены зроблены з цэглы, а вонкавыя з дубовага брусу, з дрэва былі зроблены калоны і дэкор палаца. Палац быў пафарбаваны ў бела і барвовы колеры. Яшчэ асаблівай рысай палаца можна лічыць наяўнасць у ім 18 кафлявых пячэй з малюнкамі Антона Смуглевіча, якія прастаялі ў будынку 200 год і былі разабраны ў 1980-я гады падчас рамонта. Мастак Смуглевіч займаўся таксама і дэкорам сцен палаца.


На першым паверсе рэзідэнцыі месціліся: вялікая заля, зімовы сад дзе выстаўляліся пейзажныя карціны, капліца са сценамі аздобленымі штучным ружовым мармурам. Калі ў правым баку палаца размяшчаліся парадныя пакоі, то левы бок з’яўляўся жыллёва-службовым. Адна лесвіца (бліжэйшая да вялікай залі) вяла да двух летнкіх пакояў на мансардзе, а другая лесвіца (на плане крайняя левая) вяла ў падвальныя скляпенні.



тое што засталося ад зімовага сада Радзівілаў


Зараз мы можам пабачыць толькі вось такі выгляд вялікай залі палаца.


А калісьці тут былі такія велічныя пакоі.

У 1875 годзе Марыя Радзівіл з Кастэлянаў заклала ў Радзівілімонтах парк, аб гэтай падзеі сведчыць камень, які знаходзіцца ў пачатку трохкіламетровай ліпавай алеі. Дарэчы, менавіта пры Марыі адбвыаецца каардынарная перабудова і нясвіжскага парка. Парк вакол летней рэзідэнцыі Радзівілаў быў высаджаны ў выглядзе падковы. Грабавыя, каштанавыя і ліпавыя алеі злучалі палац з уязной брамай і гаспадарчымі будынкамі. На раке Цапра быў зроблены каскад з выспаў. На тэрыторыі радзівілаўскага комплекса размяшчаліся – драўляныя флігелі, будынак канцылярыі, свіран, стайня, вяндлярня, хаты для парабкаў і аканома, валовы млын, вадакачку, капліца, бровар, адрына, абора, гумны. Вадзяны млын, сушня і вятрак размяшчаліся па-за комплексам.

Пасля рэвалюцыі 1917 года палац быў аддадзены мясцовай моладзі пад клуб, флігель перарабілі пад свіран, кансервны завод атрымаў будынкі бровара, адрыны, стайні ды гумна. Будынкі канцэлярыі, дом аканома, парабкаў і вартоўня былі перададзены савецкіх сялянам пад жыллё.

фота з radzima.org 2006 год


фота з radzima.org 2006 год


фота з radzima.org 2006 год

У пачатку 1990-х гадоў у палацы згарэў дах, і пасля гэтага пачаўся перыяд знішчэння рэзідэнцыі. Знішчалі яе і дождж, і снег і мясцовае насельніцтва, якое разбірала старыя дубовыя сцены на дровы. Палац неаднаразова выстаўляўся на продаж, але завоблачная сума ў 80 тыс. у.е. за амаль разбураны палац выглядае проста здзекам над спадчынай.

Палац, які лічыўся адным з прыгожых і арыгінальных будынкаў ХІХ стагоддзя ўжо не вабіць да сябе турыстаў і аматараў гісторыі ў ХХІ стагоддзі, бо глядзець тут нажаль ужо няма чаго. Зараз ён павольна памірае і выратаванне яго не магчыма.
Tags: Вандроўкі, Вандроўкі Беларусь, Клецкі раён, Мінская вобласць, Радзівіл
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 12 comments

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…