?

Log in

No account? Create an account

Previous Entry | Next Entry

Вёска Сынкавічы Зельвенскага раёна прыцягвае як дарослых так і малых турыстаў нашай краіны храмам, які тут знаходзіцца, а яго фатаздымкі відаць бачылі ўсе на ўроках гісторыі.



Дакладную дату будаўніцтва царквы вызначыць пакуль не атрымалася. Частка гісторыкаў кажа, што царква збудавана нейдзе ў 1407 годзе ўдзячным Вітаўтам, які тут хаваўся ад Ягайла. Іншая частка схіляецца да больш позняга перыяду з'яўлення храма, калі за дату пачатка будаўніцтва бярэцца сярэдзіна XVI стагоддзя. Але ўсёроўна, ўсе гэтыя факты ставіць Сынкавіцкую царву да шэрагу старых храмаў на тэрыторыі Беларусі.


Нават калі і не ведаць дату будаўніцтва, вонкава кожны чалавек можа сказаць, што царква сапраўды старая.


Што тычыцца стыля, то часам можна сустрэць характэрыстыку "беларуская готыка", дзе змяшаліся некалькі стыляў – старажытнарускі, раманскі і гатычны.




Сынкавіцкая царква – гэта царква абарончага тыпу, збудаваная з масіўнымі вежамі ды байніцамі. Падчас аблогі ў сярэднявеччы навакольныя дамы маглі схавацца ў царкве і нават вытрымліваць аблогу. Асаблівасцямі будынка з'яўляюцца – наяўнасць на фасадзе "ліхтарыка" (дазорнага вакна), з якога вялося назіранне за наваколлем; тры абсіды знаходзяцца пад адным дахам, хаця звычайна кожная мела свой дах; пад кожнай вежай і пад цэнтральнай падлогай знаходзяцца памяшканні склепаў. Таўшчыня сцен сынкавіцкага храма – паўтары метра.


Вядома за свой вялікі век існавання царква прыцярпела пераплаванні і дабудовы. Так у 1760 годзе да царквы быў дабудаваны бабінец.


А ў 1891 годзе перад царквой пабудавалі званніцу, якая ўжо тады не ўпісвалася ў архітэктурны стыль храма і выклікала шмат нараканняў. Але тое што адбылося зараз, пасля праведзенай рэстаўрацыі, дык увогуле не паддаецца ніякай крытыкі.


За такую рэстаўрацыю трэба сказаць вялікі дзякуй "Руснафты". Якая пазалаціла і пабяліла званніцу.


Акрама царквы ў Сынкавічах калісьці месцілася тры сядзібы. З іх дзве разбураны, а адна знаходзіцца ў не вельмі добрым стане. Таксама можна паглядзець былы бровар і вэндлярню. Вось хіба і ўсё. Але ўсёроўна ў першую чаргу Сынкавічы прыцягваюць да сябе турыстаў храмам, які камусьці нагадвае непрыступную крэпасць, а камусьці невялікі сарэднявечны палац.


Пабачыце ўказальнік на Сынкавічы, то звярніце, не пашкадуеце.

Comments

( 13 comments — Leave a comment )
ofeliya666
Dec. 23rd, 2014 04:33 pm (UTC)
Ох ужо гэтыя расейскія залатыыыыя купалыыыы!((((
azarkinm
Dec. 24th, 2014 05:36 am (UTC)
Усю маліну псуюць. Згодна.
moussorine
Dec. 23rd, 2014 04:35 pm (UTC)
Які шыкоўны храм! Дзякуй за здымкі!
azarkinm
Dec. 24th, 2014 05:37 am (UTC)
Храм шыкоўны, калі будзеце ў тых месцах, то варта абавязкова збочыць.
moussorine
Dec. 24th, 2014 05:58 am (UTC)
Эх, калі ж я наогул пабываю ў Беларусі...
azarkinm
Dec. 24th, 2014 05:59 am (UTC)
Ніколі не ведаеш, што наперадзе будзе. :-)
yozas_gubka
Dec. 23rd, 2014 04:41 pm (UTC)
класныя фоткі з жытам!
azarkinm
Dec. 24th, 2014 05:37 am (UTC)
Дзякуй.
livejournal
Dec. 23rd, 2014 05:34 pm (UTC)
Дзень добры! Ваш запіс трапіў у топ-25 папулярных запісаў LiveJournal Беларусі! Больш падрабязна пра рэйтынг чытайце ў Даведцы.
czechowicz
Dec. 24th, 2014 02:21 pm (UTC)
А ўявіце яго з арыгінальным гатычным франтонам http://volkovysk.by/wp-content/uploads/2012/08/MG_0026-2-550x696.jpg
azarkinm
Dec. 24th, 2014 04:01 pm (UTC)
Дзякуй за спасылку. Вельмі цікавы выгляд. Яшчэ цікава калі прыбралі выступаючыя элементы на франтоне.
czechowicz
Dec. 24th, 2014 04:14 pm (UTC)
Яны самі паадвальваліся, але калі прыгледзіцца, то ў муроўцы заўважны закладзеныя пазней скразныя арачкі. Ёсць праекты аднаўлення, але няма грошай. А яшчэ ў франтоне ёсць закладзеныя байніцы, якія Мінкультуры адмаўляецца аднаўляць, бо яны размешчаны не сіметрычна.

Edited at 2014-12-24 04:15 pm (UTC)
azarkinm
Dec. 24th, 2014 04:45 pm (UTC)
Усё ўпіраецца зараз ці ў грошы, ці ў нежаданне ўлады. :-(
( 13 comments — Leave a comment )

Profile

leta i ja
azarkinm
AzarkinM

Latest Month

May 2018
S M T W T F S
  12345
6789101112
13141516171819
20212223242526
2728293031  

Tags

Powered by LiveJournal.com