AzarkinM (azarkinm) wrote,
AzarkinM
azarkinm

ВАНДРУЙМА (Маршрут № 10)

Час ад часу, я сутыкаюся з тым, што людзі не ведаюць, куды з'ездзіць на выходныя для адпачынку ў Беларусі. Мір і Нясвіж паглядзелі і ўзнікае пытанне, што яшчэ можна паглядзець. Таму зараз я часцей буду выкладваць у ЖЖ маршруты на выходныя дні, можа для кагосьці адкроюцца новыя цікаўныя мясціны ў Беларусі.

Вандроўка, якую я вам зараз прапаноўваю будзе цікавы ўсім, і дарослым, і малым - СУНАІ - ГРОЗАВА - СЛУЦК - Страўсіная ферма - Лешня - Нясвіж.



СУНАІ
Тут можна набачыць рэшткі ці то вяндлярні, ці то лазні, каля былога сядзібнага дома Наркевіч-Ёдка, а таксама знайсці будынкі стайні, якія ахоўваюцца дзяржвай. http://azarkinm.livejournal.com/105991.html


ГРОЗАВА
Палац Мержэеўскіх, які быў выстаўлены на продаж за удзел гаспадароў у паўстанні 1863 года, пасля вайны ператвораны ў школу, быў амаль знішчаны і зараз знаходзіцца ў чаканні аднаўлення. http://azarkinm.livejournal.com/105352.html


СТРАЎСІНАЯ ФЕРМА пад Слуцкам
З кожным годам на Беларусі з'яўляецца ўсё больш і больш такіх ферм, і можа праз некалькі год ужо нікога не здзівіш страўсамі. Але вось зараз, пакуль на іх яшчэ можна скатацца і падзівіцца, як на заморскую птушку. На ферме можна набыць яйка, мяса і страўсіную кілбасу, апошняя мне не вельмі спадабалася дарэчы. Не забудзьце замовіць кармленне стаўсаў, атрымаеце неверагоднае ўражанне. :-) http://azarkinm.livejournal.com/155373.html


СЛУЦК
Гэты горад відаць рэкламаваць не трэба, бо ўсе са школьнікі ведаюць пра слуцкія паясы, веруючыя пра Анастасію Слуцкую, дапытлівыя пра Слуцкі збройны чын, эканамісты пра слуцкія прадпрыемствы, а просты люд пра калбасны і цукровы заводы. Пра слуцкія паясы можна пачытаць тут http://azarkinm.livejournal.com/130555.html, а пра адкрыццё помніка і музея слуцкіх паясоў па гэтай спасылцы http://azarkinm.livejournal.com/134486.html. А калі вы хочаце даведацца пра Сафію Слуцкую і яе гісторыю то націскаем гэту спасылку http://azarkinm.livejournal.com/105668.html


ЛЕШНЯ
Вёска па дарозе ў Нясвіж вас сустрэне драўлянай царковой пачатку ХХ стагоддзя. І хаця, праваслаўныя цэрквы тут будавалі і Радзівілы, і Вайніловічы, да нашых дзён засталася толькі вось гэта, якая ў савецкія часы выкарыстоўвалася як сховішча.

фота з www.globus.tut.by

НЯСВІЖ
Самы таямнічы палац і адзін з самых старажытных паркаў краіны вы знойдзеце ў гэтым раённым цэнтры Беларусі. Калі вы едзіце толькі ў Нясвіж, то вядома вам спатрэбіцца цэлы дзень, каб прайсціся ўсімі цікавымі закуткамі горада і разважліва без спеху абыйсці ўсё. Калі вы едзіце маршрутам, што прапаноўваю я вам, то вы здолееце наведаць толькі палац і прагуляцца па вечароваму парку, бо на большага нехопіць часу. Але можа гэта і да лепшага, бо будзе нагода яшчэ раз завітаць у горад і ўжо прайсціся тут іншым маршрутам. Дарэчы, асцярожна ў парку, ноччу там можна сустрэць "Чорную панну Нясвіжа". :-)
Tags: Вандроўкі, Вандроўкі Беларусь, Капыльскі раён, Маршрутызацыя краіны, Мінская вобласць, Нясвіжскі раён, Слуцкі раён
Subscribe

  • Бурбалкі шампанскага

    З НОВЫМ ГОДАМ, сябры, таварышы, паплечнікі і ўсе тыя, каго я не ведаю, але хто сочыць за нашымі вандроўкамі і чытае мае расповяды. Усе тыя з кім мы…

  • З Калядамі!

    Дарагія сябры віншую ўсіх!

  • Навагоднія клопаты

    Зіма… Новы год… Падарункі… Віншаванні… Кожны год, як толькі праб’е гадзіннік, што нарэшце ён 201...год надыйшоў - тэлефаную блізкім сябрам, сваякам і…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 16 comments

  • Бурбалкі шампанскага

    З НОВЫМ ГОДАМ, сябры, таварышы, паплечнікі і ўсе тыя, каго я не ведаю, але хто сочыць за нашымі вандроўкамі і чытае мае расповяды. Усе тыя з кім мы…

  • З Калядамі!

    Дарагія сябры віншую ўсіх!

  • Навагоднія клопаты

    Зіма… Новы год… Падарункі… Віншаванні… Кожны год, як толькі праб’е гадзіннік, што нарэшце ён 201...год надыйшоў - тэлефаную блізкім сябрам, сваякам і…