?

Log in

No account? Create an account

Previous Entry | Next Entry

У наш прадвінуты час, калі дзеці і дарослыя гуляюцца ў кампутарныя гульні і не бачаць сваіх апанентаў, настолкі з'яўляюцца магчымасцю ў сямейнай ці сяброўскай кампаніі пасядзець за гульнёй. У складаныя і не вельмі гульні гуляюцца нават дарослыя дзядзькі і цёткі. А па некаторым кампутарным гульням і серыялам ствараюцца настольныя версіі, якія даюць магчымасць пагуляцца ў іх у кампаніі сяброў ужо не анлайн, а сідзячы на канапе. Так з'явіліся настолкі "Цывілізацыя", "Зорны крэйсер Галактыка", "Гульні тронаў", "Уладар пярсцёнкаў", " World of Warcraft", "Doom" і нават "World of Tanks".
Сёння я хачу распавесці пра цікавыя настолкі з якімі мы сутыкаліся. Некаторыя мы маем дома, а некаторыя давалі пагуляцца нашыя сябры. Магчыма, гэты расповяд падштурхне да набыцця той ці іншай гульні для сябе ці сваіх дзяцей. А можа хтосьці упершыню пачне адчыняць свет настолак.
Святы ж ідуць. )))

а гэта так дзеці ўзрадаваны новай гульні ў настолку. :-)))

Пачнем з самых лёгкіх гульняў, якія збольшага разлічаны на дзіцячую кампанію, чым на падлеткаў ці дарослых. На большасці сайтах вы знойдзеце інфармацыю з якога ўзросту могуць гуляць дзеці, але там не пазначана да якога гэта ім будзе цікава рабіць. Па вопыту маіх дзіцей я зраблю ў спісе такія маленькія абмежаванні.


Спящие королевы
Гэта гульня з якой можна пачаць знаёмства дзяцей з настольными гульнями. Цікавая, вясёлая, добрая і азартная, яна дадасць смеху ў вашу сямейную кампанію. Не глядзіце, што назва дзявочая, гуляюцца з задавальненнем у яе не толькі дзяўчынкі, але і хлопчыкі. Задача гульні – сабраць каралеў, якіх абавязкова будуць спрабуюць забраць у вас іншыя гульцы. Карткі зроблены з тоўстай паперы і з прыгожымі малюнкамі. Гульня неаднаразова перавыдалася і сучасны варыянт, які зараз у продажы, адрозніваецца ад першых выпускаў якаснай металічнай скрынка. Колькасць гульцоў настолкі – да 5 чалавек. Узрост – 7+ (можна і раней). Цікава гульня будзе да 10 год, пасля цікавасць будзе спадаць.


Сумасшедший лабиринт
Сэнс гульні знайсці ўсе свае артыфакты. І зрабіць гэта хутчэй супернікаў. А як гэта зрабіць, калі поле дзе знаходзяцца вашыя фішкі пастаянна рухаецца і перасоўваецца.

Вельмі добрая гульня для дзяцей малодшага школьнага ўзросту ад 7 год, але я лічу, што можна гуляцца і больш малым дзецям. Поле і карткі зроблены з вельмі якаснага кардона, з прыгожымі малюнкамі. Створана гульня была яшчэ ў 1989 годзе і настолькі набыла папулярнасць, што вытворцы пастаянна робяць на яе аснове рэміксы. Існуюць гульні і з чалавекам-павуком, і з магічнымі істотамі, і з прынцэсамі Дыснея, і з героямі "Халоднае сэрца" і нават у швейцарскім афармленні. У Беларусі прадаецца " Сумасшедший лабиринт" у класічным выглядзе. Кошт высакаваты, але варты таго каб набыць калі ў вас ёсць дзеці з такой ўзроставай катэгорыі. Колькасць гульцоў – да 4 чалавек. Узрост – 7+ (можна і раней), гульня цікава будзе для дзяцей да 10 год.



Сырный замок
Вельмі добрая, якасная, хаця і не танная гульня. З дзецьмі можна выбраць з якой тактыкай гуляцца ў яе – лагодна, калі ўдзельнікі павольна шукаюць патрэбныя ім сыры; ці больш агрэсіўная, калі акрамя пошуку сыра ты займаешся тым, што ловіш у пасткі мышэй-канкурэнтаў.

Першапачаткова кошт можа адпужваць, але пра яго забываеш, калі пачынаецца гульня. :-) Колькасць гульцоў – да 4 чалавек. За асобны кошт можна набыць дадатак з вежай і новым героем, тады колькасць гульцоў настолкі павялічваецца яшчэ на аднаго чалавека. Узрост – 6+ (можна і раней) і да гадоў 10 будзе цікава.


Цветариум
Гульня для тых бацькоў, якія хочуць каб дзіцёнак у гульнявой форме вучыў табліцу множання. І гэта самая галоўнае, што можна сказаць пра настолку "Цветарыўм" і іншыя настолкі гэтай серыі. Дзецям больш старэйшага ўзросту гульня будзе ўжо не цікавая. Таму, варта яе набываць сваечасова. Колькасць гульцоў – да 5 чалавек, узрост – 7+.


Чудесные башни
Міні-гульня для хуткай размінкі. Тут трэба як мага хутчэй перавесці сваю вежу с перавёрнутага стана ў правільны выгляд. Але як гэта зрабіць хутчэй, калі тое ж самае робяць і твае супернікі? Правілы вельмі лёгкія і хуткасць гульні залежыць ад кампаніі, і ці сочыце вы за дзеяннямі супернікаў. Якасць паперы не вельмі высокая, хаця карткі і ламініраваныя. Але які кошт, такое і выкананне. Максімальная колькасць – 4 гульца, узрост – 8+ (калі дзіцё знае лік да 100 можна і раней) і да гадоў 12 будзе цікава.


Паника в лабаратории
Маленькая і вельмі дынамічная гульня на хуткасць мыслення. Выявы прыгожых мікробаў раскладваюцца колам. Кідаюцца кубікі і гульцы пачынаюць шукаць, які мікроб збёг з лабараторыі. Хто першы вылічыць загаданага кубікамі мікроба, той і перамог. Плюс настолкі – можна гуляцца ў вялікай кампаніяй (да 10 чалавек), а кампактная скрынка дае магчымасць браць яе як у дарогу, так і ў вандроўку. Узрост – 8+ (можна і раней), будзе цікава для дзяцей і больш старэйшага ўзросту.


Камисадо
Гульня накшталт шашак. Толькі ходзіць той колер фішкі, на якім квадраце спыніўся твой супернік. Вось і ўсё. Як па мне, дык гуляцца можна з малога ўзроста, галоўнае каб дзеці гэтага хацелі. Колькасць гульцоў – 2 чалавекі, узрост – 10+ (так заяўлена вытворцам, але гуляліся ў яе дзеці з 6 год, для 10 год гэта ўжо можа стаць не цікава).


Годо
Настолка, якая апошнім часам выпускаецца ў розных варыянтах. Яны ёсць амаль у кожнай сям'е з дзецьмі (так што перад тым як набываць камусьці лепш запытацца ці ёсць яна ў іх). Настолка падыходзіць для гульні з аднакласнікамі і проста ў вясёлай дзіцячай кампаніі. Маецца дзве ўзроставыя катэгорыі – 7+ і 12+.


Зоолоретто
Удзельнікам выдаюцца паля з заапаркам, на які яны павінны набываць жывёл і запаўняць імі вальеры. Як толькі скончацца карткі, пачынаецца падлік. Перамагае той, хто здолеў больш рацыянальна запоўніць свой заапарк.

Гульня зроблена на высокім узроўні. Усе элементы настолкі вытворцы вырабілі з якаснага кардону і з прыгожымі малюнкамі. У такую гульню хочацца і хочацца гуляць. Ды і дзецям працэс набыцця жывёл у заапарк вельмі падабаецца. З-за вялікіх правілаў першы раз гульня можа заняць крыху больш часу, але пасля працэс паскараецца. Гульня разлічана на ўзрост 8+, але калі дзеці кемлівыя, то здолеюць гуляцца і з больш ранняга ўзросту. Колькасць гульцоў – да 5 чалавек. Цікавасць да гульні відаць будзе захоўвацца да гадоў 13.


Запретный остров
Файная гульня для зімовых вечароў, як для дзіцячай, так і дарослай кампаніі. Настолка адрозніваецца ад іншых тым, што яна яднае паміж сабой удзельнікаў, бо тут ты змагаешся не супраць адзін аднога, а супраць самой гульні.

"Забароненая выспа" вучыць гуляць у камандзе і каардынаваць свае дзеянні з сябрамі. Галоўная задача настолкі сабраць артыфакты і выбрацца з выспы, якая пастаянна затапліваецца. Фігуры артыфактаў, зроблены з якаснай пластмасы, а карткі з добрага кардону. Пра малюнкі чароўных мясцінаў я ўвогуле маўчу, іх хочацца разглядаць і разглядаць. Скрынка металічная, што дае магчымасць захоўваць усе элементы гульні ў добрым стане. Адзіным мінусам "Забароненай выспы" з'яўляецца толькі колькасць удзельнікаў – да 4 чалавек, узрост – 8+ (можна і раней). У камплектацыі апошніх гулен з'явіўся дадатак – розныя варыянты расклада выспы, таму з'явілася магчымасць гуляцца на лёгкім і цяжкім узроўні. Лічу, што абмежаванняў узросту па цікавасці да гульні няма, бо яна падыйдзе і для дарослай кампаніі.


Шерлок Холмс
Хаця гульня разлічана на ўзрост 13+, у яе можна гуляцца і з больш ранняга ўзросту. Сэнс гульні – ёсць заблытанае злачынства і трэба яго зразумець і разгадаць. Мы гулялі вялікай кампаніяй, дзе былі і дзеці, і дарослыя. Правілы крыху змянілі пад сябе, таму было весела і пазнавальна, а некаторыя гісторыі часам прыводзілі да вялікіх дэбатаў і неймаверных высноў.

Самая вялікая праблема была відаць у тым, каб паглядзець на сітуацыю вачыма жыхара ХХ стагоддзя, а не ХХІ. :-) Асаблівасць гульні – вы не будзеце ў яе гуляцца некалькі разоў, бо адгадаўшы злачынства, вы запамінаеце адказ. А на жаль дадаткаў да гульні, з яшчэ больш разнастайнымі гісторыямі няма. Гульня добрая каб даваць сябрам яе на пракат, ці браць з сабой у новыя і новыя кампаніі.


Гномы-вердители
У аснову гэтай настолкі закладзены блеф, які вельмі любяць дзеці. Вы маеце гномаў, якія павінны пракласці дарогу з картак-шляхоў да скарбаў. У залежнасці ад таго які гном патрапіў да вас, вы выконваеце яго місію. Добрыя гномы шукаюць у сваіх шарагах дрэннага гнома і капаюць тунэль да залатога скарба, а дрэнныя гномы заблытваюць сваіх сяброў і вядуць іх у падманным кірунку.

Раскладка карт у пошуках скарба, бяжыць вельмі хутка і весела. Усе карты зроблены з тоўстай паперы і добрай якасці. А пра металічную скрынку я ўвогуле маўчу – яна можна сказаць вечная.
Моцным плюсам гэтай гульні з'яўяецца колькасць удзельнікаў. Колькасць гульцоў – да 12 чалавек, узрост – 8+ (можна і раней) і да бясконцасці. Бо цікавасць да гульні падаграецца тым, што вытворца выпусціў дадатковая карткі, якія ўваходзяць у камплект (на скрынке так і напісана "гульня з дадаткам"). А карткі даюць магчымасць спачатку нагуляцца ў першапачатковую версію, а пасля пашыраць яе магчымасці.


Учим английский для детей (Lexico Junior)
Вельмі і вельмі карысная гульня для вялікіх вакацый. Гуляючы ў яе, дзеці папаўняюць слоўнікавы запас, ці паўтараюць пройдзены ў школе матэрыял. Усе правілы, якія прадугледзілі вытворцы можна падстроіць пад сябе – штосьці можна выкінуць з іх, а штосьці дадаць ці пашырыць. Мы рабілі гульню больш забаўляльнай і сканцэнтраванай толькі на адной тэме. Дарэчы, гэта гульня можа быць карысна і для настаўнікаў, мне падаецца, яе можа выкарыстоўваць як на факультатыўных занятках, так і на абагульняльных тэмах урока.

Учим английский (Lexico) +9
Добрая гульня не толькі для дзяцей, але і для дарослых. У форме гульні мы ўзгадваем забытыя словы, а дзеці паўтараюць пройдзены матэрыял. Пра ўзрост 9+ магу паспрачацца. Калі аўтары бралі за аснову гэты ўзрост, то відаць рабілася стаўка на дзяцей, якія займаюцца ў школе з паглыбленым вывучэннем ангельскай мовы, ды яшчэ вучаць яе з 1 класа. Для дзетак звычайных школ у яе будзе цяжка гуляцца. Я б для школьнікаў раіла набыць спачатку варыянт Junior, а пасля глядзець па ўзроўню ведаў набываць 9+ ці не.


Дядюшкина ферма
Вельмі якасная галаваломка, якую я ўжо два разы набывала ў падарункі. І ўсе ўладары іх застаюцца ў задавальненні і захапленні. А мая дачка, нават у 10 год, калі прыходзіць у госьці заўсёды разгадвае іх. Фігуркі гульні зроблены з добрай і якаснай пластмасы. Калі вы не ведаеце, што падараваць дзіцёнку і хвалююцца, ці знойдуць бацькі час гуляцца з ім, то раю менавіта такія гульні. Колькасць гульцоў – 1 чалавек, узрост – 6+ і да гадоў 12, а тое і болей.


Спасти ёжиков!
Яшчэ адна гульня з серыі – галаваломка для аднаго. Якасць і выгляд гульні знаходзіцца на высокім ўзроўні. Сэнс – за некалькі хадоў перавесці вожыкаў да мамы, пры гэтым не патрапіўшы ў лапы янотаў. Набывалі ў падарунак ну зусім даросламу чалавеку як прыкольнае часабаўленне. Спадабалася і часамі было цяжка. Такім гульням усе ўзросты падыходзяць. :-) Гульня для ўзроста 8+ і да бясконцасці.
Трэба дадаць, што такія гульні-галаваломкі бываюць у розных выкананнях. Тут і добрыя і смешныя "Дзядзюшкіна ферма", "Выратаваць вожыкаў", "Сырныя мышы", для крыху сур'ёзныя "Скарб фараона", "Кубічная галаваломка", ну і для тых хто лічыць выгляд пазітыўных галаваломак занадта дзіцячымі падыйдзе гульня "OVO". Але я выбіраю пазітыў! :-)


Скотланд-Ярд
Мае дзеці гуляліся ў яе ў гасцях і засталіся пад добрым ураджаннем. Ёсць паліцэйскія, і ёсць злачынца. Задача – здолець за вызначаную правіламі гульні колькасць хадоў схапіць злачынцу, які робіць крокі і час ад часу паказвае дзе ён знаходзіцца. А паліцэйскія павінны здагадацца, вылічыць і зразумець, у якім накірунку рухаецца па полі злачынца. Гульня да 6 гульцоў. Узрост 10+ (але мае дзеці гуляліся ў яе з 9 год), падыходзіць і для дарослай кампаніі.


Сярод вялікай колькасці настолак ужо сталі класічнымі такія гульні як "Уно" і "Мафія". Калі вы маеце настолкі, але не маеце ніводнай з двух пералічаных, то гэта проста не прабачальна для вас. )) Пачынаць набываць іх раю з "Уно" якое падыходзіць для дзяцей ад 6 год і працягвае цікавіць і дарослую кампанію.

Апошнім часам з настолкамі актывізаваліся і беларускія аматары, якія пачалі выдаваць свае гульні. Вядома, хацелася б мець іх больш на рынку і каб яны былі разнастайнымі і больш якаснымі. З большага гэта гульні аснованыя на картачных раскладах. Мы маем толькі дзве беларускія гульні.


Разам!
Вясёлая, беларуская гульня ў якую будзе цікава гуляцца як дзецям так і дарослым. Я ўжо распавядала ў ЖЖ аб ёй, таму кідану проста спасылку http://azarkinm.livejournal.com/155780.html Сэнс гульні паказаць свае веды ў валоданні беларускай мовы. Карткі разлічана на дзіцячую і дарослую кампаніі.


Паўстанцы!
Не бейця мяне моцна. Гульню маем і ні разу яшчэ не гуляліся. Ляжыць яна ў нас на палічцы і чакае калі збярэцца вялікая кампанія для гульні. Гуляць у яе цікава ад 6 чалавек, як заяўляе вытворца, але чым больш гульцоў, тым цікавей. Таму гэта гульню можна смела назваць самай вялікай гульнёй, бо гуляцца ў яе можа адразу да 20 чалавек.

Пакуль пісала гэты абзор, стрыечная сястра на выходныя прынесла пагуляцца ў цікавую гульню.


Імаджынарыум
Гульня забаўна, вясёлая і цікавая. Неаднаразова чытала апісанні гульні і не магла зразумець, што ж тут цікавага, што яна стаіць у топах прадаж. Толькі згуляўшы, разумееш, што ў гэтай настолцы свая філасофія. Удзельнікі гульні атрымліваюць па 5 карт, адзін удзельнік гледзячы на свае малюнкі кажа асацыяцыю з адно з іх. А іншыя гульцы шукаюць такую асацыяцыю ў сваіх картках. Карты кладуцца малюнкам уніз і перакладваюцца так, што ніхто не ведае дзе чыя картка. Яны адкрываюцца і пачынаецца самае цікавае. Ты павінен зразумець, якую картку паклаў першы ігрок. Калі ўсе адгадаюць гэту карту, то той хто загадаў, перасоўваецца на два крокі назад, а калі гульцам падалося, што пад асацыяцыю падпабаюць іншыя карты, то перасоўваюцца тыя фішкі, на чые карты былі зроблены стаўкі. Набылі "Імаджынарыўм"? То рыхтуйцеся, што вам захочацца набываць і дадаткі да гэтай гульні – новыя калоды, а значыцца новыя малюнкі, якія будуць падаўжаць вашу гульню ўсё больш і больш.

Трэба дадаць, што "Імаджынарыўм" гэта расійскі плагіят знакамітай французскай гульні "Дзіксіт". На прасторах інтэрнэта можна сустрэць пастаянную вайну у каментарах, якая гульня лепш. Хаця выдаўцы расійскай версіі зрабілі ўсё магчымае каб палепшыць сваю версію. Так у "Імаджынарыўма" больш картак 98 сурпаць 82 з "Дзіксіта", большае гульнявое поле 39 супраць 30, гульцоў больш – 7 супраць 6. Розніца і ў выглядзе малюнкаў. У "Дзіксіце" яны больш лагодныя, дзіцячыя, а мастакі "Імаджынарыўм" некаторымі карткамі зрабілі стаўку на кнігі Кінга і фільмы Хічкока, але ж ніхто не перашкаджае іх прыбраць з гульні непатрэбныя карты. Ці набыць за аснову "Імаджынарыўм саюзмультфільм" дзе карткі больш дзіцячыя. Але на мой погляд сярэднестатыстычная сям'я будзе галасаваць рублём бо "Імаджынарыўм" каштуе 54 рублі, а французская гульня 72 і дадаткі адпаведна 24 і 46 рублі. Для сябе ж зрабіла выснову, што гэту гульню мы набудзем сабе ў стандартным афармленні, а сгладжваць карткі будзем больш лагоднымі дадаткамі. Так пазітыўнымі лічацца "Адысея", "Перфесона", "Адрыядна" і "Пандора", а калі захочацце ў дарослай кампаніі паказытаць нервы то набывайце "Хімера". Адзінае шкада, што выдаўцы не зрабілі дзіцячыя версіі "Саюзмультфільм" і "Дзяцінства" ў малым дадатку, бо надываючы іх, вы набываеце і поле і фішкі зноўку.
Колькасць гульцоў – 7 чалавек. Узрост – 12+ і 16+. Гульня падыходзіць для дарослай кампаніі.

ВЫСНОВА: Вельмі яркія, якасныя і захапляльныя гульні каштуюць адпаведныя грошы (50–80 руб.). Іх, часта шкада выдаткоўваць на настолкі, але пагуляўшы хаця бы адну з такіх гульняў разумееш чаму такая грашовая розніца паміж імі. У сярэднекоштавай катэгорыі (26–40 руб) знаходзіцца вялікая колькасць не менш цікавых і якасна зробленых настолак. Для нашай сям'і гэта відаць асноўная катэгорыя з набытых гульняў. Калі вам шкада выдаткаваць сямейныя грошы на дарагія настолкі, то можна пачынаць знаёмства з гульнямі ад 7 і да 20 рублёў. У асноўным, гэта будуць гульні накшталт "Цудных вежаў", "Уно", "Мафіі" і складацца яны будуць з простых картак. Ёсць яшчэ адна катэгорыя настолак, якую яшчэ я не ахарактарызавала – гэта гульні з найвышэйшай коштавай катэгорыі – за 100 рублёў і болей. Мы дома такой ніводнай не маем і нават не гуляліся ў іх. Сюды патрапляюць гульні з эканамічнай тэмыкай, дзе патрабуецца набываць, абменьваць, здабываць рэсурсы. У асноўным гэта гульні, якія разлічаны на ўжо дарослую кампанію ад узроста 14+. Мае ж дзеці яшчэ не дараслі да такога ўзросту, відаць таму гэтыя гульні пакуль і не разглядаліся намі для набыткаў. Пакуль гуляем у тыя, што прыводзіліся вышэй. У нейкія настолкі гуляюцца дзеці часцей, некаторыя пакрыху адыходзяць з катэгорыі "любімыя-цікавыя" ў катэгорыю "няхай будзе як памяць", а некаторыя з іх хутка пачнуць адносіцца да катэгорыі "для продажы на Куфары".

Кожны выбірае сам, у якія гульні павінны гуляцца яго дзеці.

Comments

( 31 comments — Leave a comment )
livejournal
Nov. 8th, 2016 07:31 pm (UTC)
Дзень добры! Ваш запіс трапіў у топ-25 папулярных запісаў LiveJournal Беларусі! Больш падрабязна пра рэйтынг чытайце ў Даведцы.
markiz_de_kiss
Nov. 8th, 2016 07:33 pm (UTC)
Не гуляем
azarkinm
Nov. 9th, 2016 04:29 am (UTC)
Чаму? Не цікава, ці не даводзілася?
markiz_de_kiss
Nov. 9th, 2016 06:55 am (UTC)
Апроч UNO і манаполіі, неяк не даводзілася ні ў што гуляць.
(no subject) - azarkinm - Nov. 9th, 2016 06:56 am (UTC) - Expand
(no subject) - markiz_de_kiss - Nov. 9th, 2016 06:58 am (UTC) - Expand
(no subject) - azarkinm - Nov. 9th, 2016 07:08 am (UTC) - Expand
elena_zamytkina
Nov. 8th, 2016 08:53 pm (UTC)
Здравствуйте!
Мы тоже очень любим настольные игры. Конечно мы много играем всей семьей, но очень любим и в компании друзей, а с друзьями у нас сейчас напряг. Не хотите к нам присоединиться? Мы живем в Минске, у нас трое детей 14, 11 и 6 лет.
azarkinm
Nov. 9th, 2016 04:31 am (UTC)
З падлеткамі гэта так складана прагназаваць. Бо яны такія наравітыя і самі сабе на хвале. Запытацца магу ў іх. А якія настолкі самыя любімыя ў вас?
elena_zamytkina
Nov. 9th, 2016 08:23 am (UTC)
У нас много любимых, но здесь, в Минске, у нас только часть игр: "Эволюция", "Игра престолов", "О мышах и тайнах", "Мачи коро", "Восьмиминутная империя. Легенды", "Барабашка" с "Барбароном", игры "Банды умников", "Пэник стейшн", "Метро 2000", ну, и еще немного по мелочи.
(no subject) - azarkinm - Nov. 9th, 2016 08:35 am (UTC) - Expand
(no subject) - elena_zamytkina - Nov. 9th, 2016 11:04 am (UTC) - Expand
(no subject) - azarkinm - Nov. 9th, 2016 11:10 am (UTC) - Expand
napramak
Nov. 8th, 2016 09:06 pm (UTC)
Дзякуй, вельмі цікавы пост. Мы гуляем часам. Мае любімыя "Каркасон" і "Румікуб". Але нашы дарослыя дзеці не заўседы хочуць гуляць :)
azarkinm
Nov. 9th, 2016 04:38 am (UTC)
Прачытала правілы "Румікуба" і зразумела, што мае гуляцца ў яе не будуць. Пакуль ім толькі нешта цікаванамаляванае трэба, ну яшчэ ў нейкія дзіцячыя здолеюць пару раз згуляцца. А гэта ўжо гульня для дарослых як па мне. З Каркасонамі відаць ім бы больш спадабалася гуляцца. А вы сям'ёй паспрабуйце гульню "УНО". Яна не напражная, вясёлая. Яе нават наш сябра папрасіў яму падараваць на народзіны, і зараз калі прыходзіць да нас, то абавязкова патрабуе згуляцца.
(no subject) - napramak - Nov. 9th, 2016 04:40 pm (UTC) - Expand
(no subject) - azarkinm - Nov. 9th, 2016 06:29 pm (UTC) - Expand
ofeliya666
Nov. 8th, 2016 09:25 pm (UTC)
Дзякуй, цікава было пачытаць) Я гулялася ў Імажынарыўум і ў Эліас, і зразумела, што настолкі гэта мабыць не маё) Але як дызайнеру па адукацыі мне цікавыя самі ідэі)
azarkinm
Nov. 9th, 2016 04:40 am (UTC)
Пасля двух гулен сказаць, што гэта не тваё, дзіўна. Эліас па апісанням і мне не падабаецца, яна мне нагадвае ГОДО дзіцячае. Дарослым раю заўсёды пачынаць з УНО, Забароненай высты, і магчыма з Гномаў. А чым не спадабалася Імадынарыўм? Мы дык пад ураджаннем былі.
(no subject) - ofeliya666 - Nov. 9th, 2016 10:07 am (UTC) - Expand
mara_amura
Nov. 9th, 2016 05:30 am (UTC)

Какой пост хороший! Я очень люблю настолки и раньше мы часто играли в Агриколу, Пуэрто Рико, Ticket to Ride, Dixit. Но мой муж не любит.

azarkinm
Nov. 9th, 2016 06:02 am (UTC)
Можа яму не падабаюцца проста сур'ёзныя эканамічныя гульні, і ён прыхільнік больш лёгкіх, хуткіх ды вясёлых? І нічога, дзіцё падрасце будзе гуляцца, нікуды не дзеніцца ад яе. Тады будзе вам радасць, будзеце зноўку гуляцца ў настолкі. :-)
pravdaosele
Nov. 9th, 2016 01:44 pm (UTC)
С детскими играми не знакома, а вот из всего перечисленного у меня есть запретный остров.

Но самая лучшая игра, для нашей семьи - это колонизаторы. Хоть она и взрослая, дети неплохо и в ней ориентируются. У меня племянник 8 лет, рубился в нее лучше взрослых. Было интересно даже моим родителям)
azarkinm
Nov. 9th, 2016 01:47 pm (UTC)
Ну вось і я пакрыху даведваюся праз каменты, у якія гуляюцца, якія падабаюцца каб была магчымасць пасля звярнуць на іх увагу. А што яшчэ ёсць? Ці ў вас іх толькі дзве?
(no subject) - pravdaosele - Nov. 9th, 2016 01:52 pm (UTC) - Expand
(no subject) - azarkinm - Nov. 9th, 2016 06:33 pm (UTC) - Expand
(no subject) - pravdaosele - Nov. 9th, 2016 07:53 pm (UTC) - Expand
(no subject) - pravdaosele - Nov. 9th, 2016 02:31 pm (UTC) - Expand
(no subject) - azarkinm - Nov. 9th, 2016 02:56 pm (UTC) - Expand
(no subject) - pravdaosele - Nov. 9th, 2016 03:38 pm (UTC) - Expand
(no subject) - napramak - Nov. 9th, 2016 04:42 pm (UTC) - Expand
( 31 comments — Leave a comment )

Profile

leta i ja
azarkinm
AzarkinM

Latest Month

May 2018
S M T W T F S
  12345
6789101112
13141516171819
20212223242526
2728293031  

Tags

Powered by LiveJournal.com