AzarkinM (azarkinm) wrote,
AzarkinM
azarkinm

Манаскія ордэны на тэрыторыі Беларусі. БЕНЕДЫКТЫНЦЫ

Бенедыктынцы (лац.Benedictini)

Дывіз."Маліся і працуй"

Гісторыя. Ордэн быў заснаваны ў 530 годзе Бенедыктам Нурсійкім у італьянскім Монтэ-Касіна. Спачатку існавання кляштары мелі аўтаномію і карысталіся шматлікімі атрыманымі прывелеямі, што прывяло да іх узбагачэння. Вельмі хутка ордэн стаў лічыцца адным з самых багатых ордэнаў Еўропы.


Статут патрабаваў ад бенедыктынцаў сталага жыхарства ў кляштары, паслушэнства, устрымання і жабрацтва, але росквіт ордэна прывёў да адмоў ад некаторых прынцыпаў. Розныя падыходы да трактовак статута паклалі пачатак рэформам, якія падзялілі бенедыктынцаў на картузаў, цыстэрцыянцаў, трапістаў, камальдулаў. Са з'яўленнем у ХІІІ ст. францысканцаў і дамініканцаў ордэн пачаў губляць сваю папулярнасць у Еўропе.

Ордэн меў жаночую галіну.


Мэта ордэна – прывядзенне псіхікі ў стан глыбокай засяроджанасці, фізічная і разумовая праца, а таксама выхаванне моладзі.


Вопратка. Першыя манахі-бенедыктынцы насілі адзенне карычневага колеру, але з цягам часу іх рыза стала чорнай. Традыцыйным адзеннем была чорная непрыталеная туніка з вострым капюшонам і скураным рэмнем. Паверх тунікі апранаўся манаскі медальён (скапуляры) з выявай св. Бенедыкта. Кіраўнікі і абаты часта хадзілі з высокім прыгожым кіем, як у епіскапаў і насілі першы крыж (крыж, які надаецца пры прыняцці ў манахі). Жанчыны ордэна насілі чорную рызу са скураным рэмнем, на галаву апраналі белую шапку, якую пакрывала белая хустка, а зверху пакрывалася ўсё чорным вэлюмам. У залежнасці ад рэгіёну апранаўся манаскі медальён ці першы крыж (крыж, які даваўся пры прыняцці ў манашкі). Толькі ў бенедыктынак ВКЛ у манаскай рызе была рэгіянальная асаблівасць. Яны атрымалі права прышываць да верхняга чорнага вэлюму крыж з ярка-чырвонага аксаміту, які напамінаў пра ахвяры ордэна падчас Паўночнай вайны 1700-21 гадоў.

ВКЛ. Бенедыктынцы прыйшлі на тэрыторыю ВКЛ з Польшчы ў ХІІІ ст. і мелі пры кляштарах свае школы, бібліятэкі з рэдкімі зборамі кніг, скрыпторыі (дзе перапісваліся кнігі і летапісы). Калі ў Еўропе яны саступілі першынства дамініканцам і францысканцам у ХІІІ ст., то ў ВКЛ перыяд заняпаду прыйшоў пазней – у сярэдзіне ХІV ст. Пры жаночых кляштарах існавалі школы для дзяўчат са шляхецкіх сем'яў. Пасля падзелаў Рэчы Паспалітай царскі ўрад аб'яднаў усе бенедыктынскія плыні і іх кляштары ў бенедыктынска-цэстэрцыянска-камедула-картузскую кангрэгацыю. Пасля паўстанняў 1830-31 і 1863-64 гадоў кляштары на тэрыторыі былой ВКЛ былі зачынены.

Архітэктурная спадчына бенедыктынцаў і бенедыктынак на сучаснай тэрыторыі Беларусі захавалася толькі ў выглядзе будынкаў карпусоў кляштараў (Гарадзішча, Слонім) і званніцы (Нясвіж). У Менску кляштар і касцёл бенедыктынак зруйнавалі ў 1964 годзе.


Сучаснасць. Зараз ордэн налічвае па ўсяму свету 7 079 манахаў і 353 манастыры. Іх галоўная мэта – малітвы, інтэлектуальныя веды, рэлігійнае мастацтва і місіянерская праца.


Цікавы факт. Вернікі лічаць, што менавіта медальён св.Бенедыкта надзелены ахоўнай здольнасцю. Яго замацоўваюць на дзвярах і сценах дома падчас эпідэмій, трымаюць у стайнях і хлеве, каб не было падзяжу жывёлаў. Пры будаўніцтве хаты ці касцёла медальён замуроўваюць у яго падмурак, а каб быў ураджай, закопваюць у полі. Прадбачлівыя гаспадары нават кідюць яго ў студню.

Каталіцкія манаскія ордэны на тэрыторыі Беларусі http://azarkinm.livejournal.com/176785.html
Tags: Манаскія ордэны
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 14 comments

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…