AzarkinM (azarkinm) wrote,
AzarkinM
azarkinm

Пошук сваіх каранёў

А раптам хто тут цікавіцца сваімі каранямі. Ці можа збіраецца заняцца пошукам.

То гэта інфармацыя можа вас зацікавіць.

У сераду 27 сакавіка, а 16 гадзіне ў Нацыянальнай бібліятэцы адбудзецца навукова-практычны семінар па складанні радаводу. Таксама навукоўцы распавядуць пра рэдкія малавядомыя геналагічныя крыніцы, якія можна знайсці ў Нацыянальнай бібліятэцы, распавядуць, па якіх напрамках можна рабіць пошук, і да якога калена можна давесці свой радавод.




Плануецца чатыры даклады.

Лісейчыкаў Д.В., кандыдат гістарычных навук, намеснік дырэктара НГАБ.
Тэма: Архівы і генеалагічны «бум»: дзе і як шукаць сваіх продкаў.

Урублеўскі В.В., кандыдат гістарычных навук, загадчык сектара тэматычных даследаванняў і выставачнай дзейнасці аддзела выкарыстання дакументаў і інфармацыі НГАБ.
Тэма: Генеалагічная асвета ў Беларусі на сучасным этапе.

Глінскі Я.С., загадчык сектара рэдакцыйна-выдавецкай падрыхтоўкі аддзела публікацыі дакументаў НГАБ.
Тэма: Фальсіфікацыі генеалагічных дакументаў: як выявіць старажытную падробку?

Сцебурака А.М., загадчык НДА кнігазнаўства, кандыдат гістарычных навук, дацэнт.
Тэма: Рукапісныя крыніцы па генеалогіі ў фондзе Нацыянальнай бібліятэкі Беларусі.

І самае каштоўнае, гэта тое, што вы можаце запытацца ў людзей, якія ведаюць дзе шукаць і як шукаць, і паспрабаваць знасці адказы на пытанні з якімі вы ўжо сутыкнуліся пры пошуку сваіх продкаў. А раптам яны дапамогуць вам абыйсьці той камень, які не дае рухацца далей.

Калі зручней паставіць напаміналку сабе ў фэйсбуку пра мерапрыемства, то вось спасылка https://www.facebook.com/events/429736757773582/

А пра цудоўную праграму ў якой я раблю дрэва роду я ўжо распавядала некалі. https://azarkinm.livejournal.com/169753.html . За час расповяду пра яе ўжо шмат чаго змянілася. Я здолела аб'яднаць две вялізарныя веткі якія вяліся асобна першапачаткова. Дрэва маё і дрэва мужа зараз сталі адным спісам, што значна спрашчае жыццё ў пошуку інфармацыі, і пасля аб'яднання колькасць персон вырасла да 700 чалавек. Дарэчы, я апошнім часам актывізавалася ў пошуках, бо падштурхнулі жыццёвыя нейкія віры і падзеі. Але відаць ужо пра свае цікавыя маленькія адкрыцці распавяду ў наступны раз, бо гэта будзе расповяд пра працу ў архівах і пытаннях з якімі я сутыкнулася там.
Tags: радавод, свае карані
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 7 comments