AzarkinM (azarkinm) wrote,
AzarkinM
azarkinm

ІВАЦЭВІЧЫ (Брэсцкая вобласць)

Падчас халодных вясенніх дзён узгадваюцца былыя паездкі. Вось і зараз, сартыруючы фоткі на кампутары вырашыла напісаць усё ж такі пра тры месцы Івацэвічы–Косава–Ружаны. Менавіта такая паездка была ў мяне, і калі ёсць жадаючыя можна па такому маршруту з’ездзіць і ўкласціся ў адзін дзень вандроўкі. Пачнем з першага горада які мы наведалі – Івацэвічы.
 
Першы герб лічыцца афіцыйным, другі не афіцыйным.

Даволі стары беларускі горад, які ўзгадваецца ў 1508 годзе. У розныя гістарычныя часы належыў вядомым беларускім радам Іллінічам, Сапегам, Юдзілам, Пацамі.

Першае што мы знайшлі ў горадзе, гэта царква Дзяржаўнай іконы Божай Маці, якая пачалася будавацца ў пачатку 1990-х, пасля была закансервавана, і вось ужо была дабудавана на пачатку 2000-х. Жыхары горада з гордасцю нам распавядалі, што яны самі збіралі грошы і паступова будавалі царкву, і што нарэшце рэшт яна ўжо дзейнічае. Хаця я і праваслаўная, але вялікага захаплення ад цыбулін ніколі не атрымоўвала, таму з царквой ў гэтым горадзе скончу, дадаўшы, што кажуць што ў гэтай царкве знаходзіцца самы вялікі звон у Беларусі – 2 тоны і выліты ў 2006 годзе.

Мне было вельмі цікава знайсці ўсё ж такі Сядзібу Юдзіловічаў у горадзе, а па некаторым крыніцам праходзіла, што яшчэ маецца і палац.  Мясцовае насельніцтва адмаўлялася проста нам дапамагчы, бо пры любых узгадках Палаца, на нас выкачвалі вочы і казалі, што не ведаюць дзе гэта знаходзіцца, можа ў старой частцы горада. Дзівакі людзі гэтыя, горад сам па сабе не вялікі, і не ведаць што і дзе знаходзіцца проста сорамна. Спачатку наш позірк паў на Палац, які мог бы падыходзіць пад апісанне і ў якім зараз знаходзіцца гарадская бібліятэка. Звонку тыповая савецкая забудова, у якой проста веіць з калідораў прывідам дзядулі Леніна.

Добрая душа бібліятэкарша, накіравала нас ўсё ж такі па патрэбнаму месцу. Атрымоўваецца, што палац і сядзіба гэта адно і тое ж.

І зараз гэта частка мясцовай бальніцы, дзе знаходзіўся кардыялагічны цэнтр, але ўсё закінута і чакае рамонту, ці як апошнім часам усё ў нас робяць, руйнавання. Помнік зроблены ў класічным стылі і адносіцца да перыяда канца XVIII – пачатку XIX ст.

Па дарозе на Косава знаходзіцца помнік, які ў 2005 годзе ЮНЭСКА занёс ў спіс помнікаў сусветнай спадчыны – Дугі Струвэ.

Дугі Струвэ гэта серыя помнікаў, якія размешчаны ад Дуная да Паўночнага Ледавітага акіяна. Такімі помнікі знаходзяцца яшчэ ў Эстоніі, Фінляндыі, Латвіі, Літве, Нарвегіі, Малдове, Расіі, Швецыі і ва Украіне. Пагаворваюць, што яго могуць аднесці ў Кнігу рэкордаў Гінэса як самы вялікі помнік.

Помнік размешчаны каля ваданапорных вежаў, і калі нехта будзе запытвацца як даехаць, пытайцеся менавіта гэта, бо насельніцтва можа таксама не сказаць. З дарогі яго не бачна, не верце сайтам. А каб пабачыць трэба падняцца на ўзвышша. Даволі не прыкметны помнічак.

З савецкіх навабудаў кінулася ў вочы вось такі дом.

Горад даволі ціхі і спакойны, па мне дык не чым не адрозніваецца ад іншых гарадоў. Нічога не зачапіла там.

Tags: Івацэвіцкі раён, Іллініч, Брэсцкая вобласць, Вандроўкі, Вандроўкі Беларусь, Пац, Сапега, Юдзіла
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments