AzarkinM (azarkinm) wrote,
AzarkinM
azarkinm

КОСАВА (Брэсцкая вобласць)

Гэта ўжо другая турыстычная кропка з маршрута Івацэвічы-Косава-Ружаны. Косава на мой погляд можа стаць яшчэ адной турыстычнай меккай на мапе Беларусі, а магчыма і перавысіць па наведвальнасці Нясвіж і Мір.


Само паселішча Косава было заснавана ў Х ст., а першыя ўзгадкі горада адносяцца да 1494 года, калі горад падаравалі маршалку ВКЛ Хрэптовічу.

Вядома тут нарадзілася і яшчэ народзіцца шмат таленавітых людзей, але пакуль самы галоўны гістарычны герой Косаўшчыны гэта Тадэвуш Касцюшка, які нарадзіўся як раз не падалёку ад замка, які ў тыя часы яшчэ і не быў пабудаваны.

Спадзяюся, што не трэба распавядаць хто такі Касцюшка :-).


Непадалёк ад горада як раз насупраць замка знаходзіцца дом, у якім нарадзіўся наш і не толькі наш нацыянальны герой ў 1746 годзе. Гэты дом рэстаўрацыя, да нашых часоў застаўся падмурак, а саму рэстаўрацыю праводзілі ў 2004 годзе па малюнках ХІХ ст. На дадзены момант там знаходзіцца музей Касцюшкі, дзе сабраны некаторыя яго рэчы, і дакументаў якія тычацца яго жыцця.

Каля дома знаходзіцца камень, які быў устаноўлены ў 1999 годзе, на той час проста каля падмурка сядзібы.

Побач з домам знаходзіцца ціхае мястэчка якому вядома не хапае, як і шмат дзе прадпрымальніцкіх магчымасцяў. Бо кафэшка толькі  адна, ды і тая дзе нам сказалі, што мы зачынены і праводзім банкет. А так хацелася ў цішы, на фоне патапаючага ў дрэвах замка пасядзець і выпіць кубачак гарбаты.

 Вакол кафэ прымаліся намаганні зрабіць хоць нейкі дэкор у нацыянальным стылі.

Але відаць у нас і гэта не атрымаецца зрабіць, бо пасля пабудовы кафэ, райвыканкам і прадпрымальнікі пачалі сварку на конт яго, і яно некалькі год прастаяла зачыненым. І толькі не так даўно адчынілася, дзе абслугоўванне вельмі нагадвае саўдэп.

І вось сапраўды брыльянт, які нават ў і такім выглядзе заварожвае. Чамусьці ў ён мне ўпарта ў думках нагадваў замак, дзе жыў галоўны герой рамана “Джэйн Эйр”.

Калі праяджаць па дарозе, дык можаш і не заўважыць усёй велічы замка, бо ён неяк надзейна схаваўся за дрэвамі.

Вельмі буйныя магнаты Пуслоўкія заснавалі палац ў 1838 годзе. У тыя часы таксама атрымліваецца людзі хацелі паказаць сваё багацце і з арыгінальнічаць. Так і Пуслоўскія, пабудавалі палац з 132 пакояў, якія не былі падобны. У бальнай залі падлога была зроблена з талшчэзнага шкла а пад ім плавалі рыбы, асаблівасцю палаца было і тое, што каб слугі не кралі, замест сабакі па палацу гуляў леў, які сачыў за гэтым.

Не абыходзілася і без архітэктурнага каламбура сам палац пабудаваныў у нэагатычным стылі, але нагадвае замак сярэднявечча. Пуслоўскія былі і мецэнатамі, ведаючы пра Касцюшку, яны на працягу свайго ўладарвання даглядалі за домам як за рэліквіяй.

Але нажаль трэццяе пакаленне з іх роду атрымалася не вельмі ўдалым, праўнук быў гульцом у карты і прадаў замак за картачную пазыку. (я ўяўляю якая павінна была быць пазыка, каб аддаць такое раскоша).

Уладары змяняліся, падчас Першай сусветнай палац быў крыху разрабаваны. Але ўсёроўна значная частка ды і сам палац застаўся. Немцы ў часы Другой сусветнай не кранулі палац, а вось партызаны не пабаяліся. І ў 1943 падпалілі, баючыся што там могуць зрабіць для засаду, а сядзіба Касцюшкі правініліся тым, што там размяшчаўся нямецкі штаб. Сядзіба, т.я. была драўляная згарэла хутка, а вось палац гарэў 10 дзён, а пасля яшчэ месяц можна было адчуваць у паветры смог, бо палац пакрыху тлеў.

У самім замку асабліва рызыковыя могуць палазіць і спусціцца ў самы ніз.

Я была проста ў захапленні ад пабачанага, але па шчырасці сэрца аблівацца крывёй калі бачыш што нічога не робіцца з гэтымі сапраўды брыльянтамі нашай краіны. Дзякуючы Касцюшка, шмат палякаў едзе каб паглядзець на гэтыя мясціны, але можа настануць часы, калі сюды будуць прывазіць з такой жа рэгулярнасцю і школьнікаў і простых турыстаў не толькі з Мінску і Брэста, але і з Віцебску, Гродна і іншых месцаў, каб паказаць палац і сядзібу, якія праславілі гэтыя мясціны.

Тым больш што нават ЮНЭСКА прызнала палац перспектыўным аб’ектам міжнароднага турызму.

Для асабліва жадаючых, можна паглядзець таксама ў Косаве касцёл Троіцкі, які быў пабудаваны ў 1878 годзе.

На яго месцы ў свой час знаходзіўся драўляны касцёл у якім атрымаў хрост Т. Касцюшка.

А таксама царку святога Антонія (1868) 

і каталіцкую капліцу 1859 якая знаходзіцца на старых могілках.

Але мы спяшаліся ў Ружаны, таму ўсё гэта паглядзелі з вакна аўтамабіля.

Івацэвічы

Tags: Брэсцкая вобласць, Вандроўкі, Вандроўкі Беларусь
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 3 comments