AzarkinM (azarkinm) wrote,
AzarkinM
azarkinm

"І цябе палічылі, і мяне палічылі"

Ну вось, як у той казцы пра казлянятка - "1 - гэта Паша, 2 - гэта я, 3 - гэта Ян, 4 - гэта Вераніка". Толькі сёння Пашка абураўся, што не прыходзяць перапішчыкі, што трэба патэлефанаваць і замовіць беларускія карткі, ці самім падыйсці ў школу і пасварыцца, (ён адразу ўяўляў, што беларускіх картак не будзе, таму і сварыцца трэба будзе пачынаць падрыхтавана). Толькі ён сёння пра гэта абураўся, як да нас прыйшла перапіс. А дакладней перапішчык, такі хударлявенькі хлопчык, са значкам перапішчыка і з тоўстай сумнай на баку (цікава, ім яе падораць?). Я была б не я, адразу папрасіла паказаць пасведчанне перапішчыка (ну цікава ж). Яно такое заламініраванае, з каляровай фоткай хлапчука. Муж ужо падрыхтаваны да сваркі першым чынам запытаўся пра бланкі на беларускай мове... і опанькі, аблом, бланкі былі на месцы, ды яшчэ і на ўсіх чальцаў сям'і. Хлапчо пачало хвалявацца, блытацца ў беларускіх словах. Але запоўніўшы ўсе бланкі на развітанне сказаў "Да пабачэнне". Можа перапішчык мне добры патрапіўся, не ведаю.

P.S. Сябра пайшоў перапісваць усю сваю сям'ю. Як вынік атрымалася такая рэч - маці (украінка, родная мова руская, і дома па-руску), брат (беларус, родная мова руская, і дома па-руску), і ён вось такі ўнікальны хлапча :-) (хаця з братам блізнюкі) (беларус, родная мова беларуская, дома па-руску). Як гэта ўсё бедная статыстыка будзе перапрацоўваць, мабыць да наступнага перапісу будуць уганяць у кампутары.
Tags: Беларусь-беларусы, Прыватнае
Subscribe

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments