?

Log in

No account? Create an account

Previous Entry | Next Entry

Мінулась, у Кіеве быў адчынены новы парк “Мамаева Слабада”. Парк прысвечаны казакам і іх побыту.



(крыж на развілцы дарог з святым, якому можна памаліцца і папрасіць добрай дарогі)

Яшчэ ў 1990 годзе пад парк быў выдзелен кавалак зямлі, але яго адкрыццё адбылося толькі праз 19 год.

У парку знаходзяцца пабудовы тыповых казацкіх хат, а дакладней двароў. Так усе могуць пахадзіць па падворку дома ганчара, каваля, скарбніцы і гд.



(печка ў адным з дамоў)

(Казацкая скарбніца)


(вокны выглядзяць вось так, што для мяне было вельмі дзіўным)

Таксама на тэрыторыі пасялення знаходзіцца і царква з намагільнымі крыжамі. Усё як мае быць у сапраўдным казацкім пасяленні.





У цэнтры паселішча знаходзіцца пляц, дзе размясціліся гандляры сувеніраў, адзення, і сцэна з гарматамі.





Ёсць у паселішчы і возера з рыбай. І яе там так шмат, не ведаю ці атрымаецца пабачыць, але калі наблізіць фота можна пабачыць як касякі рыбы плаваюць пад вадой. А турыстаў радавала тое, што пры кармёшцы рыбы батонам, яна ледзьве не выскоквала з вады і стаяў такі трэск, што было адчуванне нібыта ў возеры плаваюць не мірныя карасікі, а піраньі.


І што за паселішча без карчмы, якая таксама маецца на тэрыторыі. Але на жаль сталоў мала і працуюць вельмі марудна. І калі мы яшчэ сабраліся былі пасядзець, дык побач сядзелі ўкраінцы, якія чакалі каб заказаць 40 хвілін. Ахвота ў нас адразу адпала.

Ад праходзячых мінакоў-турыстаў парка можна было пачуць размовы пра параўнанне Пірагова і Слабады. Скажу вам, параўнанне не магчыма. І той і іншы парк павінны існаваць, і такіх паркаў павінна быць як мага болей.

Слабада патрэбна па шмат якіх прычынах – але галоўнае гэта тое, што не кожны з турыстаў можа даехаць у Пірагова каб паглядзець на ўкраінскія хаткі, а тут даецца такая магчымасць і парк размешчаны ў цэнтры горада.

І ў нас адразу пачаліся размовы, што файна б было і ў каб у Мінску быў такі парк, з беларускімі хаткамі. Няхай як адгаліненне Строчыц, але каб было. Тэрыторыю пад парк таксама можна знайсці, знайшлі ж месца пад парк “Мініяцюрная Беларусь”. Было б толькі жаданне.

(дом ганчара)



(тыя самыя карасікі-піраньі. Націснуць на фота каб наблізіць.)

Comments

( 6 comments — Leave a comment )
gloria_sargi
May. 27th, 2010 08:30 am (UTC)
Вельмі цікава! Было б добра, каб у Мінску з'явіўся парк падобны гэтаму, але падаецца, што ў нас яшчэ не скора дойдуць да разумення.
azarkinm
May. 27th, 2010 08:51 am (UTC)
Так цікава, але разумею, што нажаль гэта калі і будзе то не хутка.
ofeliya666
May. 27th, 2010 09:49 pm (UTC)
так, а што за Мініяцюрная Беларусь? першы раз чую...
Вокны мяне таксама здзівілі)))
azarkinm
May. 28th, 2010 03:48 am (UTC)
Каля выставачнага комплексу, што на Пераможцах, разбілі парк, які будуць здаецца рабіць 2 гады. Па контурам будзе нагадваць Беларусь і ў парку будуць размешчаны мятровыя выявы помнікаў Беларусі. Зробяць маленькі Мір, Ружаны, Нясвіж, Брэсцкую крэпасць... і гд.
ofeliya666
May. 28th, 2010 01:11 pm (UTC)
оооо, гэта нешта ціпу таго, што на Гідрапарку ў Кіеве,толькі манументальней? спадзяюся, у іх лепш атрымаецца...
azarkinm
May. 28th, 2010 05:38 pm (UTC)
так. думаю штосьці як "Мініяцюрны Кіеў" толькі ў памерах краіны. паглядзем што атрымаецца.
( 6 comments — Leave a comment )

Profile

leta i ja
azarkinm
AzarkinM

Latest Month

May 2018
S M T W T F S
  12345
6789101112
13141516171819
20212223242526
2728293031  

Tags

Powered by LiveJournal.com