AzarkinM (azarkinm) wrote,
AzarkinM
azarkinm

Оўруч (Украіна)

Калі вам патрапіцца ехаць на Украіну ці з Украіны на машыне і праз Мазыр, то вы абавязкова будзеце праяджаць Оўруч. Горад з даўняй гісторыяй, аж з 997 года. Калі праяджаеш такія малыя гарадкі, нават і не верыцца, што раней тут жыццё вірыла і вірыла так, што горад узгадваецца ў летапісах.
Мы спыніліся каб даць нашаму кіроўцу крыху перадыхнуць, бо чакала нас яшчэ паездка не блізкая да Мінска, а часу было ўжо… амаль 9 вечара.  Але здолелі паглядзець 2 храма горада.

Васільеўская царква была пабудавана пасля яшчэ ў Х ст., але нажаль царку праследваў злы рок. Яе пастаянна руйнавалі, да аднаго і самага моцнага руйнавання прыклаў руку і наш вялікі князь Гедымін.

Пасля  гэтага на яе месцы ўжо будавалі толькі драўляныя цэрквы якія вядома выстаяць у тыя часы доўга не маглі. Але на пачатку ХХ ст. вырашылі зрабіць так званую рэстаўрацыю, па фундаменту і застаўшымся часткам сцен архітэктары спрабавалі аднавіць хаця бы контурна царкву.

І яны гэта здолелі зрабіць у 1911 годзе.

Роспіс у царкве рабілі вядомыя на той час мастакі. З таго моманту царква з’яўляецца месцам паломніцтва.

Спаса-Прэабражэнскі сабор быў пабудаваны ў 2001 годзе на месцы іезуіцкага касцёлу ХVIII ст.. Які таксама перажыў за сваё існаванне перахрост ва ўніяцкую царкву, а з 1831 году ў праваслаўную.

Савецкая ўлада не пашкадавала сабор і ў 1930-м зруйнавала да шчэнту. Выгляд сабора не мае ніякіх гістарычных каранёў і з’яўляецца наватворам. І хаця гэта галоўны сабор на Оўручскую і Карасценьскую праваслаўную епархію, народ усёроўна цягнецца да старой Васільеўскай царквы. Што мы і пабачылі на Троіцу калі там былі.

Вікіпедыя кажа што ў горадзе існуе яшчэ помнік Алегу Святаславічу. Нажаль яго мы не бачылі, і калі з’явіцца магчымасць зноўку ехаць на Украіну на машыне можа тады будуць фатаздымкі. 

P.S. А для тых хто цягнецца на прыгоды магу прапанаваць. Калі вы будзеце ехаць праз Оўруч, павярніце на перакрыжаванні налева каля танка ці самалёта (ужо не памятаю). І проста ехаць па дарозе… вас чакаюць прыгоды. КПП выселенай зоны і за маленькі хабар (20 грывен) вы здолееце праехаць па адселеным раёне. Тое што можна сфатаграфаваць гэту закінутасць я зразумела занадта позна… калі ў вокнах мільгануў апошні полу паросшы пяціпавярховік.

Tags: Вандроўкі, Вандроўкі замежжа, Украіна
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 9 comments