AzarkinM (azarkinm) wrote,
AzarkinM
azarkinm

Рыхтуемся да Масленіцы

Чаму бліны лічаць традыцыйным блюдам рускіх? Яны прысутнічаюць у шмат якіх кухнях краін і ў тым ліку нашай. Бліны беларускія гаспадынькі гатавалі і падавалі з любымі дадаткамі - з мачанкай, з маслам, са шкваркамі, са смятанай, з капустай квашанай, з сочывам, з мёдам, з малаком, з грыбамі... гэты спіс можна працягваць і далей.
Вось і мы з сябрамі, вырашылі крыху падрыхтавацца да свята і правесці блінную суботу :-).


Трое відаў бліноў, шкваркі, мачанка, гарэлка, віно і добры настрой. Што яшчэ трэба для суботняга вечара з сябрамі. :-) Хіба што гітара, дык і яна была... уявіце Паша праз колькі год перапынку грання перад сябрамі вырашыў вярнуць традыцыю. Спадзяюся, што гэта быў не апошні рывок, бо адразу накаціла настальджы офісных пасядзелак у маладосці пад "Одзірыдзідзіна", "Паветраны шар", "Каханая мая"... і вядома Чайф.

Тое як гатаваць бліны ўве ведаюць, а вось мачанка... Вырашыла падзяліцца рэцэпрам які для сябе адкрыла не так даўно, бо ў маёй сям'е мачанка рабілася інакш.

Мачанка сялянская.
Трэба: свінныя рэбры, кілбаскі, мука, лаўровы ліст, цыбуля, сала, тмін.
Гатуем. Свінныя рэбры абсмажыць на патэльні, кілбаскі таксама і пасля парэзаць. Выкладваем у рондаль ці патэльню якую можна ставіць у духоўку. Далей абсмажваем парэзаную цыбулю і сала. І таксама перакладваем. Дадаем лаўровы ліст, тмін, чорны перац. Асобна разводзім халоднай вадой 3 ст.л. мукі і змешваем з голым варам. Мучная вада павінна загусцець пасля чаго працэжваем яе ад камкоў якія могуць з'явіцца калі вы не вельмі добра размяшалі муку ў халоднай вадзе. Солім усё і на 20 хвілін у духоўку.

І з блінамі макаем і ямо. :-)
Tags: Кулінарыя, беларускія стравы
Subscribe

  • ВЫСТАВА "Аптэка ў старой сядзібе" (МІНСК)

    Вы не паверыце, але гэта чарговая спроба вярнуцца ў ЖЖ. Пакуль толькі як рэклама мерапрыемстваў, што зацікавілі нас і магчыма зацікавяць і вас. А там…

  • Як шмат сяброў вярнулася...

    Даўно не была тут, а як пагляжу дык зусім даўно і не пісала ў ЖЖ. А тут зайшла, і пабачыла, што столькі сяброў вярнулася зноўку пісаць. Падчысціла…

  • Музей "Беларусь міні "

    "Беларусь міні " – гэта новы музей, які адчыніўся ў Мінску напярэдадні навагодніх святаў. Яго асноўная мэта для мяне відавочна…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 8 comments