AzarkinM (azarkinm) wrote,
AzarkinM
azarkinm

Гэта жыццё...

Часам глядзіш на старыя фатаздымкі і думаеш, як людзі могуць змяніцца з часам.


Знаёмцеся. Гэта Каэтэна, герцагіня Альба. Нарадзілася яна 28 траўня 1926 года ў Мадрыдзе. Сябрамі па дзяцінству былі - граф Талстой, прынц Віндишграэц, Лізі, якая пасля стала Лізаветай ІІ. Хросным бацькам у яе быў кароль Альфонс ХІІІ.


У 1947 годзе яна выходзіць замуж за Луіса Марцінэса дэ Ірухо-і-Артаскоса, сына князёў дэ Сотамаёр. У 1954 годзе памірае яе бацька і Каэтэна як адзіная спадкаемца становіцца на чале ўсяго дома Альба.


Падчас сямейнага жыцця з Луісам Каэтэна была сапраўды шчасліва. Нарадзіла 6 дзяцей - 5 сыноў і 1 дачка.


Герцагіня ўжо з маладосці адрознівалася норавам і ведала з якой сям'і паходзіць. Яна магла запраста праігнараваць самога Франка.


Герцагіня Альба з дзяцінства добра валодае французскай, нямецкай і ангельскай мовамі.


Але шчаслівую сямейную ідылію парушыла хвароба мужа і хуткая смерць ад лейкеміі ў 1972.


Герцагіня вяла актыўнае свецкае жыццё. Займалася жывапіссю, а колькасць палацаў і зямель якія належаць яе сям'е не пералічыць.


У 1978 годзе яна выходзіць другі раз замуж за Хэсуса Агіррэ, дзяржаўнага дырэктара дэпартамента музыкі Міністэрства культуры Гішпаніі, які быў маладзей за яе на 8 год.


Іх шлюб актыўна абмяркоўваўся ў грамадстве, якое абвінавачвала жаніха ў пагоне за грашыма і тытулам. Але Каэтэна была шчаліва з ім да яго смерці ў 2001 годзе.


Прапрабабуля герцагіні была каханкай мастака Гойя. І гэта яе вобразы былі пакладзены на вядомыя карціны.

Апранутая маха


Голая маха


Герцагіня Альба ў сялянскім строі.

А гэта Каэтэна каля вядомага твора. Менавіта дома Альба выкупіў усе гэтыя карціны і з'яўляецца іх уладаром.


Амаль усе палацы роду знаходзяцца ў адчыненым стане і на яго тэрыторыю пускаюць турыстаў.


У 2008 годзе герцагіня вырашыла ажаніцца ў трэцці раз, на анціквары Альфонса Дыезам, які маладзей яе на 24 гады.


Але дзеці Альбы выступілі супраць і звярнуліся да караля Гішпаніі які наклаў вета на яе шлюб. Пасля некалькіх год роздумаў герцагіня вырашыла пры жыцці падзяліць сваю маёмасць паміж дзецьмі, а новы яе абраннік падпісаў дакументы, што не збіраецца прэтэндаваць на тытулы герцагіні.


У кастрычніку 2011 года 85- гадова Каэтэна і 61-гадовы Альфонса абраліся шлюбам.


Каэтэна ўсё жыццё была экстравагантнай жанчынай і гішпанскай модніцай. Ёй было ўсёроўна што піша пра яе прэса. Так некалькі год назад яна шакавала Гішпанію фоткамі на пляжы са сваім бойфрэндам.


А у верасні 2011 новы скандал. На гэты раз з мінулага. У прэсы з'явіліся фота 55-гадовай Альбы.


Каэтэна жартуе наконт свайго сучаснага стану. "Я спадзяюся, што на гэты раз я не стану ўдавой".

Гляжу я на гэтыя фота і не веру, што можа стаць з чалавекам за жыццё...



Хаця герцагіня Альба карыстаецца вялікай папулярнасцю ў сябе на радзібе. Яна адзіная каму пры жыцці пастаўлены пометнік ў Гішпаніі.

А яе род на столькі ідзе каранямі ў даўніну, што ёй дазволена сядзець у прысутнасці караля, не цалаваць руку Лізавеце ІІ і нават калі яна захоча заяджаць на кані ў кафедральны сабор.
Tags: Імёны ў гісторыі, Навіны
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments