AzarkinM (azarkinm) wrote,
AzarkinM
azarkinm

Ажыўшыя помнікі (Мінск)

Сёння непамятаю хто, але зладзілі каля Ратушы выставу жывых скульптур.

Чамусьці ва ўсім свеце гэта звыклая з'ява, а ў нашай краіне ўсё так напужана і забаронена, што ў гарадах вы ніколі не сустрэнеце музыкаў і мімаў.

Жадаючых паздымацца з "помнікамі" было шмат. І калі да іх набліжаўся нехта, яны пачыналі рухацца.

Помнік "Дзеўчына з парасонам" хаваў пад парасон вас. "Фатограф" рабіў выгляд, што здымае, а "Грацыі" пачыналі рухацца па колу.


Мужчына каля ЦУМа пачынаў чамусьці падскокваць. Да "Хлопца які прапануе запаліць" так ніхто і не падыйшоў, таму не ведаю, што ён вырашаў зрабіць. А "Суворавец" паднасіў руку да казырка.


"Мюнхаўзен" як бачна пачынаў размаўляць і запісваць суразмоўца. "Паштавік" не рухаўся, ды і відаць "Губернатар" у сваёй карэце выглядаў неяк сумнавата.

А "Жанчына на лаўцы" на першай фота нешта спрабавала сказаць на вушка тым хто прысядаў каля яе.

Сёння таксама быў дзень адчыненых двярэй у Ратушу. Часу ў нас было не вельмі багата, дзеці адмовіліся стаяць у даўжэзнай чарзе да Ратушы, фоцік не ўзялі і здымалі ўсё на мабілу... таму вырашылі агляд Ратушнай плошчы скончыць на гэтым.

Ах, да.... на балконе граў акестр. Нейкае імгненне мне падалося, што я апынулася ў савецкім Мінску і па скуры прабеглі мурашы, нават не ведаю чаму так з'явілася такое адчуванне. Можа з-за антуража, які падаваўся людзям як нешта суперскае, а ў рэаліі гэта тое без чаго ніводная еўрапейская сталіца проста не ўяўляецца.

Вельмі даўно я рабіла ўжо агляд гарадскіх скульптур Мінска, таму можна вось па гэтай спасылцы і вось гэтай пра Мюнхаўзена паглядзець на скульптуры, якія спрабавалі ажывіць сёння (вядома мінчукі і так ведаюць пра якія скульптуры ішоў расповяд) :-).
Tags: Вандроўкі, Вандроўкі Беларусь, Мінскія замалёўкі
Subscribe

  • Бэзавае воблака водару ў Батанічным садзе Мінска

    Калі вам падабаецца водар бэзу, то раю паспець у гэтыя выходныя атрымаць асалоду ад шпацыру па Батанічнаму саду Мінска. Знайсці разнакаляровы…

  • #1 Пляжы вадасховішча ДРАЗДЫ

    У мяне нарэшце пачаўся адпачынак. І надвор'е відаць за маё чаканне вырашыла парадаваць спякотай на гэтым тыдні. Таму, у планах прабегчыся па старым,…

  • Падарунак А-100 мінчукам

    Перад выходнымі натыкнулася на рэкламу кампаніі А-100 аб падарунку які яны збіраюцца зрабіць на сваёй запраўцы мінчанам на 3 ліпеня. «3 ліпеня…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 5 comments