?

Log in

No account? Create an account

Previous Entry | Next Entry

Час ад часу можа скласціся ўраджанне, што самае цікавае знаходзіцца далёка. І за ўраджаннямі трэба ехаць у іншую вобласць, але гэта толькі недасвечаныя людзі могуць такое казаць.



Калі часу не багата, то ёсць цудоўныя мясціны і вакол Мінска. І іх шмат, трэба толькі раскрыць мапу, пералапаціць сайты globus.tut.by i radzima.org, адзначыць, што цікава для цябе ў наваколлі. І перад табой мапа тваіх магчымых вандровак. Пакласці ў машыну... і ты заўсёды зараз будзеш ведаць, што калі ты апынешся ў гэтым раёне, ты можаш заехаць у гісторычныя мясціны.

МАЛАЯ БОРЗДЫНЬ

Паміж вёскай Малая Борздынь і Тэйкава знаходзяцца старыя могілкі на якіх захавалася капліца Вішнеўскіх (ХІХ ст.).



Яна ў паўразрушаным стане, але ўсёроўна прыцягвае да сябе позір.



Тут знайшлі свой апошні прытулак Марыя і Ігнаці Вішнеўскія.

Дарэчы Марыі было ўсяго 37 год.


Аб тым што не патрапілі даты жыцця пабачыла толькі дома. Зараз сяджу і разважаю, хто ж пахаваны з ёй? Муж, дзіця?

НОВАЕ ПОЛЕ


У Новым поле знаходзіцца помнік архітэктуры ХІХ ст. Сядзібна-паркавы комплекс пабудаваны родам Друцка-Любецкіх.

Які на дадзены момант нажаль з'яўляецца прыкладам, што можна зрабіць з палацам у горшым яго ўяўленні. Як вам колеры? Відаць мясцовыя маляры спаборнічалі ў тым, як размаляваць па прыкольней.


На дадзены момант у будынку знаходзіцца школа-інтэрнат. Шмат мацюкоў мясоцвых падлеткаў на ганку - гэта мае ўспаміны пра наведвання сядзібы.


На тэрыторыі парку знаходзіцца лядоўня, таксама пабудаваная ў ХІХ ст. Яе пафарбавалі, зачынілі і адклалі ўнутраную рэстаўрацыю да лепшых часоў.




Дарэчы сядзіба не заўсёды мела такі цікава-смешны выгляд. Бывалі і лепшыя часы ў маляроў (2003 год).

фота з globus.tut.by

ТРАСКАЎШЧЫНА

Знаходзіцца будынак вадзянога млына Свентажэцкіх.


Хто быў у гэтых мясцінах ведаеш, што прырода тут маляўнічая. Студзёныя воды Іслачы дапамагаюць у спёку і не супакойваюцца нават у самы сільны мароз. Тут і быў пабудаваны млын ў сярэдзіне ХІХ ст.


Адзначу, што не варта сюды прыяджаць у падвячорак... камары ой вельмі кусачыя.




І шумяць вадаспады, і спяваюць птушкі... і так файна тут паляжаць каля вады.




Калі будзе час і надумаеце ехаць паглядзець мясціны, то самы аптымальны тур гэта Мінск - Сёмкава - Заслаўе - М.Борздынь - Новае поле - Ракаў - Траскаўшчына - Мінск.

Пабачыце гісторыю Беларусі ад ХІІ ст. і да ХІХ. Гэта вандроўка на цэлы дзень. Але калі часу не маеце, то вось як мы аб'ехалі гэтыя 3 мястэчкі за 2 гадзіны вяртаючысе дадому з іншай вандроўкі.

Comments

( 2 comments — Leave a comment )
koza_skripa4ka
May. 17th, 2012 05:29 pm (UTC)
Дзякуй за капліцу, не ведала пра такую
azarkinm
May. 17th, 2012 05:38 pm (UTC)
калі ласка. можа будзеце побач, дык узгадаеце што можна паглядзець. яна бачна з дарогі. не прапусціце
( 2 comments — Leave a comment )

Profile

leta i ja
azarkinm
AzarkinM

Latest Month

April 2018
S M T W T F S
1234567
891011121314
15161718192021
22232425262728
2930     

Tags

Powered by LiveJournal.com