AzarkinM (azarkinm) wrote,
AzarkinM
azarkinm

ПРУЖАНЫ (Брэсцкая вобласць)

Скажу вам шчыра - па Пружанам не хадзілі, праехалі хуценька каб паглядзець "Палацык", але нажаль ён быў зачынены, таму толькі фоткі звонку і расповяд пра яго цяжкі лёс.


Сучасны выгляд сядзіба набыла пры шляхцічы Валенцій Швыкоўскі ў сярэдзіне ХІХ ст. і стала сваім выглядам нагадваць італьянскую вілу. У сядзібе мелася бібліятэка, аранжэрэя, залі для баляў, для гарбаты... Аранжэрэяй і яе экзатычнымі раслінамі маёнтак Швыкоўскіх праслаўляўся на ўсю акругу. Швыкоўскага цікавіла этнаграфія Беларусі, ён збіраў прыказкі, прымаўкі, казкі песні беларускага народа.


На чатыры гады Пружанскі палацык пераходзіць у скарбонку Расійскай імперыі, за ўдзел іх уладара ў паўстанні 1863 годзе, а яго маёмасць была распродана на аўкцыёне - мэбля і кнігі былі прададзены з малатка, расліны перавезены ў царскі палац у Белавежскай пушчы. Пасля распродажа рэчаў, маёнтак быў вернуты ў 1867 годзе ўладарам. Ужо састарэлы Валенцій, які не меў дзяцей ад свайго шлюбу з Гермініяй Ваўжынскай, прадае маёмасць у 1895 годзе Кляйнміхелям, але яны не вельмі жадалі жыць у маёнтку і патрэбанага дагляду не аддавалі яму. Пасля Кастрычніцкай рэвалюцыі гаспадары збягаюць у Парыж. І хаця Валенцій Швыкоўскі прадаў сваю маёмасць ён усё ж такі ў сакавіку 1900 года вярнуўся ў любыя мясціны, дзе ў 1888 годзе была пахавана яго жонка. Труна з нябошчыкам была перавезіна сюды з Варшавы і пастаўлена побач з каханай Валенція на мясцовых каталіцкіх могілках, на зямле якая належыла тром пакаленням Швыкоўскіх.


За польскія часы ў памяшканні маёнтка быў размешчаны павятовы савет, падчас Другой сусветнай вайны - штаб генерала, інтэрнат нямецкіх афіцэраў. А пасля вайны ў розныя часы сцены палацыка бачылі і студэнтаў агратэхнічнай вучэльні, якім тут быў прадастаўлены інтэрнат, і навукоўцаў аграбіястанцыі, і дзяцей з садка (можа хто і можа пахваліцца, што пісаў у гаршок у палацы), і нават стаматалагічную палікнінніку. Аднаўленчае жыццё вярнулася ў 1989 годзе калі ён быў зачынены на рэстаўрацыю, а пасля тут адчыніўся краязнаўчы музей ў 1999 годзе. На globus.tut.by сказана, што тут захоўваецца даўляны абраз ХVI ст. "Патаемная вячэра", нажаль нам патрапіць унутар не атрымалася, бо былі мы тут ў непрацоўны дзень. Спадзяюся, што ўсё ж такі, калі будзем вандраваць яшчэ па Беласцейшчыне, наведаем гэты горад і прагледзім яго збольшай цікавасцю.



А вось такім пабачыў маёнтак Напалеон Орда.
Tags: Брэсцкая вобласць, Вандроўкі, Вандроўкі Беларусь, Кляйнміхель, Пружанскі раён, Швыкоўскі
Subscribe

  • ПАРОМ ПАРЫЧЫ (Гомельская вобласць)

    У нашай краіне паромы хаця і з'яўляюцца непастаянным транспартным сродкам, але часам іх праца незамяняльна. Паромы для турыстаў, гэта экзотыка і…

  • КРАСНЫ БЕРАГ (Гомельская вобласць)

    Вёска Красны бераг вядома двума месцамі, якія варта наведаць кожнаму беларусу. Першае – гэта палац Козел-Паклеўскіх, які прыцягвае ўсіх сваёй…

  • КРАСНЫ БЕРАГ (Гомельская вобласць)

    Вёска Красны бераг Жлобінскага раёна ўпершыню ўзгадваецца пад 1317 годам, але толькі ўзгадваецца. Дакладны расповяд пра вёску і ўладароў пачынаецца…

  • Post a new comment

    Error

    default userpic

    Your IP address will be recorded 

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 2 comments